السلام عليكم جووني ان شاااء الله بخير يله باي
كان ياما كان..
فد يوم قمل كاعد يم التنور على غفلة انشك قميصه فكلهة للكملاية هاج خيطيلي قميصي كلتلة ميخالف بس اجيب الابرة والكشتبان ، راحت فلمن اجتي وكع القمل بالتنور !! فكامت تبجي القملة فسألتهة النخلة اشبيج ؟ كلتلهة : مو كيملان شاكان صبي دمبلان وكع بالتنور صار شيبلان !!! فالنخلة هزت سعفهة فجتي الحمامة عالنخلة كللتلهة اشبيج كالت : نخلة نخل خاش كيملان شاكان صبي دمبلان وكع بالتنور صار شيبلان !!! فنفشت الحمامة ريشهة فسألهة النهر شبيج ؟ فكالت : دنفش بلاريش نخلة نخل خاش كيملان شاكان صبي دمبلان وكع بالتنور صار شيبلان !!! فخبط المي مية جوي عليه الجواميس ديشربون مي سألوه شبيك ؟ كللهم مينة خيبطون دنفش بلا ريش نخلة نخل خاش كيملان شاكان صبي دمبلان وكع بالتنور صار شيبلان !!! فتعاركو الجواميس ووكعت كرونهم اجة عليهم الفلاح سألهم شبيكم ؟ كللولة جاموس بلا كرون مينة خيبطون دنفش بلا ريش نخلة نخل خاش خاش كيملان شاكان صبي دمبلان وكع بالتنور صار شيبلان !!! فراح الفلاح على مرتة كلهة اريد تسويلي بيضة كلتلة مابية حيل روح على بنتك راح عليهة فسوتلة بين مدتسويلة احتركت ايدهة كامت تبجي سألتهة امهة شبيج ؟ كللتلهة : اختنة حيركون جاموس بلا كرون مينة خيبطون دنفش بلا ريش نخلة نخل خاش كيملان شاكان صبي دمبلان وكع بالتنور صار شيبلان !!! فراحت الاماية دجيب مي من البير فوكعت بالبير جتي عليهة ام الفلاح سألتهة هاي شبيج ؟ كللتلهة امنة غيركون اختنة حيركون جاموس بلا كرون مينة خيبطون دنفش بلا ريش نخلة نخل خاش كيملان شاكان صبي دمبلان وكع بالتنور صار شيبلان !!! فأم الفلاح دتحوك انعورت عينهة فأجة عليهة حفيدهة الصغير كللهلة هاي شبيج ؟ كلتلة : بي بي عيورون امنة غيركون اختنة حيركون جاموس بلا كرون مينة خيبطون دنفش بلا ريش نخلة نخل خاش كيملان شاكان صبي دمبلان وكع بالتنور صار شيبلان !!! فراح الحفيد ديصلح جام فأنجرح سألة الاخ الجبير شبيك؟ كللة اخونة جيرحون بي بي عيورون امنة غيركون اختنة حيركون جاموس بلا كرون مينة خيبطون دنفش بلا ريش نخلة نخل خاش كيملان شاكان صبي دمبلان وكع بالتنور صار شيبلان !!! فزهق الاخ الجبير وراح على الصغير داوة ايدة وراح عالبيبية عدل عيونهة وطلع الاماية من البير وداوة ايد اختة ورجع كرون الجواميس وعدل مي النهر ورجع ريش الحمامة ورجع سعف النخلة وراح على الكملاية شالهة وذبهة بالتنور وكلهة دموتي !!!!!!!!!!!!
وتعيشون وتاكلون غيرهه نياااااااااااااااااااااها ها ها ها
السبت سبتمبر 22, 2007 6:38 pm
