مقترح ومهم جدا وارجوا التنفيذ

السلام عليكم ....... بما انو احنة عراقيين ولهجتنة مميزة وكلماتنة معروفة ليش دائما نقلد الغير؟؟؟؟ ليش منتميز بلهجتنة والي يريد يفهم كلامنة راح يفهمة والي صعبة عليه يسال واذا مراد يسال مشكلتة شنسويلة قابل ....اتذكر العرب الي جانو بالعراق عاشو سنوات هناك ومافد يوم شفت واحد يحجي عراقي ليش ؟؟ لان معتز بلهجتة يحاول صح انو يحجي بكلمات عراقية بس اغلب كلامة لا يكون بلهجتة الاصلية بالمقابل العراقي هو راح لسوريا اشو صار سوري ابا عن جد هو راح لمصر هو راح للامارت عمي ميخالف انت ببلد ثاني وشغلة مجبور عليهة زين مو هذا منتدى وغرفة محادثة تحمل اسم العراق ليش مجلبين بمصطلحات مو مالتنة .......للتفضل بالاطلاع مع العلم .
نسخة منه الى الادارة والميرة
نسخة منه الى الرواتب
اخوكم *العراق حبيبي*

عاشت ايدك خالوووو

عاشت ايدك العراق حبيبي

خوووووووووووووووووووووووش موضوع والله يوفقك.تحياتي روميو الحب.

العراق حبيبي ،،عاشت ايدك على هذا الموضوع،،ماكو احلى من لهجتنة الحلوة
من يكعد واحد يمك وتكللة (تفضل اغاتي استريح) شكد ما هوة مهموم راح يحس ابعض الراحة،،لهجتنة طالعة من قلوبنة احنة العراقيين اهل الطيبة والكرم
اخوك انزو

شكرا اخي العزيز بس انا برايي العراقي يكدر يحجي كل اللغات بس العرب ما يحجون اللغة العراقية لانها صعبة عليهم هاي لغة الضاد صعبة على العرب واتمنى الكل يكتب بلغة الكل يفهمها وتحياتي