ممكن نتعرف؟؟؟

انا ما اقصد اتحرش

انا مو من الي يضايقونك

انا بس فد واحد معجب

مخلص لا تروح ظنونك

معجب بيك وباخلاقك

مغرم بيك ومجنونك

تقدر تتخيل نفسك

ببحر امواج يحيطونك

ومرت من يمك مركب

بيهم ناس يعرفونك

تقدر ما تمدها لايدك

تمنعهم ما ينقذونك

انا كلما في القصه اشهد

اني من اللي يشوفونك

يسحرون بكلماتك

بوردة انرسمت بجفونك

صدكني ما اريد انا العب

انا ما عيشن من دونك

احلفلك بيش احلفلك

ما غشيت و لا اخونك

ولا قبلك اعرف واحد

قفلبي فتح لعيونك

صدك قلبي يفر مني

من تسالني انت شلونك

شجاوب ما اعرف احجي

خايف مني يمنعونك

خايف تفهم اشواقي

غلط ومني يبعدونك

خل قلبك هو يقلك

منهو الي يريد يصونك

وخل عيناك هي ميزانك

وخل الله بين عيونك