معاني احرف كلمة بغداد

بــغــــــــــــــــــــــداد

الباء بات الحزن والآه والحيره

والغين غزو وقتل يايمه بالديره

والدال داء ومرض والطلقه بصديره
والألف آه وحزن والدمعه على الغيره
والدال الاخيره صفت مفتره فريره
بغداد هيچي اصبحت يالسامع الابيات
بغداد كانت كَبل لادمع ولاونات
كراده خارج هلا وشحلوه البنيات
ومنصور واكَف جبل مابيه أثر طعنات
والكرخ يم النهر ويا الرصافه ايبات
وباب المعظم دوه والكاظم الوصفات
والدوره امي انا والغزل والصفنات
وزيونة مكان الرقة والجمال والكعدات
أربع أسامي ذهب تخلي الوطن جنة
دجلة وفرات العذب والشيعة والسنة

_________