اشعااار عراقيه

شلون اعوفك وانتَ شرياني

ماعوفك چذب يـآ موطن الاحرار

شلون تريد اعوفك وانتَ شرياني

وطبع بينه نظل لا ما نطخ هامات

وابقى انه العراقي برغم احزاني

واشاهد دم اخوتي يغسل الگيعان

واشگف بيدي هاي اسهام عدواني

اشگد ما اصيحن آخ واحني الراس

واظل واگف وتد بعيون جيراني

لان جيراني صارت مو وتد وياي

جيراني صفت بالشـــده نيراني

وعلى طيبة گلب بايعت هذا وذاك

ومن صارت صدگ شو ذاك باعاني

يبيـع الدم عليـه لمن احتاجيـت

وآنه الدمـي الـه صبيته مجـاني

وآنه المـآ ردت جيراني تنزف سيل

اگولن ربي بالجيران وصانـــي

وآنه المابعت نگطة الغيره ودوم

اشيلن على متوني هموم صحباني

ومن طگنـي الوكت حسبت جاري يگوم

فعلاً گآم بس بجمـــرة چــواني ....

بس ثق وأعتقـد كلما تزيـد النآر

ابقى انه العراقي وهذا عنواني




[color=#000066][size=21]هم يجي يوم ؟
[color:968a=#000066:968a]

اخاف انموت غربه ومحد إلنا

هم يجي يوم ونرجع للوطن ويلتم شملنا؟؟!

مايلوكلنا تراب غيرك ياوطن بيه نندفن

والله عمري كله يروح فدوه لذرة من ترابك ياوطن

ولج بغداد من الشوك الج صرت مجنونة

وزرع الي زرعتة ابيتي ما ادري عطشان لو يسكونة

اباوع بعيون الصغار اتوسل اكلهم

لا تكبرون اخاف عليكم هذا الوطن تنسونة

عجب بغداد بعدج بالغرب مسكونة؟

لو تنادين علة هلج وينكم يحبابي ما اريد غيركم اترابي يسكنونة [/size]



[color=#000066][size=21][color=red]الجسر الحديدي
[size=16] [size=21]
[color=#000066]
آنه شعندي غير العراق أحباب

آنه شعندي تره هو وحيدي

ماظل بيه دم و دموع و شباب

انكطع والله دمي من وريدي

وآنه بساعة الضربة يا ناس

أحس قلبي وكع ويه الحديدي





[color:968a=red:968a]ممنوع الفرح


متواعد ويه الفرح

والوعد صارله سنين

لا مر علي بحلم

ولا شفته شوف عين

ناشدت وين الفرح؟

كالولي متأسفين

ممنوع هسه الفرح ... عن كل العراقيين


[color:968a=red:968a]
[color:968a=red:968a][size=21]يا محلى بغداد
[size=21]

احلى شي اببغداد لمن يصير غروب..

فوق الجسر تمشي انته والمحبوب...

ودجله تحظنك حضن وتحس العمر مافات...

وشكد حلوه لمت هلك وياهم تتعشى بالكريعات...

ولو تجي وتفتر بعد وتدخل على المنصور...

طيبة وحنان وعشق واحلى طيور ...

والعيد عدنه حلو الله ياعيدي...

يلله...خلي نقارن سوه !!

وايدك تضل بيدي .!.!

ايفل وبرجه..ومكه مول واهله..

ومول الامارات وابن بطوطه ...

واهل لندن وكل تكساس...

يرحون فدوه ونذر لشارع ابو نؤاس




[/size][/size]
[/size][/size][/size]

ماعوفك چذب يـآ موطن الاحرار

شلون تريد اعوفك وانتَ شرياني

وطبع بينه نظل لا ما نطخ هامات

وابقى انه العراقي برغم احزاني



تعجز الكلمات عن وصفف هذه القصيدة الاكثر من جميلة
الاكثر من رائعة لا توجد كلمات تجاري كلامك يا اختي العزيزة وشكرا على الصور الاكثر من رائعة ننتظر المزيد منك وتقبلي مروري

شكمرا لك اخي العزيز على مروروك عطرت المنتدى بهذ المرور الاكثر من رائع

ما شاء الله يا مونة سريعه جدا في الرد شنو نايمة بالقصيدة ههههههههههه شكرا لك

ذوووووووووووووووووق اشعار مؤثره
تقبلي مروري

عاااااااشت ايدج اختي ذوووووووقج حلو قصائد رائعه