قالة بالا برتقالة

نتصالح لو مانتصالح******* قاله باله برتقاله

وفرض طلعت مانتصالح*** اشراح انسوي ابهاي الحاله

معناهه انقسم موطنه******* دولة شيعه اودولة سنه

كل واحد يكتب دستوره****اوكل واحد جدول اعماله

ونشرع قانون ايفرق****** ويكول الماواحد كاله

ياويل السني اليتجرأ **** ويصاحب شيعي اويبراله

اوياويل الشيعي ايحن كلبه**** ويدك ترميشه الجواله

اولو شافو بالنقال اسمه****** الا ايشيلونه ابنقاله

والمتزوج من الثاني***** يطردهه اوينكراطفاله

اوتشمل هاي لاجراءات***حتى ارقام السيارات

ماكو لوحه بصره عراق** اوماكو لوحه عراق اديالى

سنه عراق اوشيعه عراق**** اوكل واحد يعرف منواله

زوجي اوفردي********طبعا باستثناء الكردي

مانكدر نمنع تجواله

اوممنوع ايغنون الداخل**** لويستمعون المواله

اوممنوع احنه انغني الميمر**** لومرة لمة خياله

اوممنوع ابشارع يتلاكن*** ام دحام او ام اجماله

كولو هذا اليوم اشماله***كولو فال الله اولا فاله

ليش اتخيل هاي الحاله

كمت اتخيل هاي الحاله*** من شفت الاستاذ اغتاله

واحد مايوصل لنعاله

اومن شفت الدكتور اتهجر****واحتلو بيته النشاله

اومن شفت العالم متهدد**** حاير وين ايشد ارحاله

يوميه اوكالو نتصالح***** ولأشكال انفض اشكاله

اويوم الثاني اتموت اطفال*** اويتفجر مصطر عماله

لويتفقون اونتصالح********* لو نرجع علقاله باله

قاله باله برتقاله

والله مااعتقد راح يتصالحون اخي بس لازم ندعي يارب يرجع العراق مثل مجان ونرجع اخوه من الشمال للجنوب وماكو فرق بينه ولازم نتذكر احنه كلنه عراقيين كلنه اخوان

ويارب منرجع على القاله بالا برتقاله
تقبل مروري