يا رافع السبع السماء الشديده

السلام عليكم ورحمة الله وبركاته

قصيدة بغداد

يارافع السبع السمــــــــاء الشديده ــــــــــ يامن بأمره كـــوّن الكون في كن

وآيــات أنــزل للعقــــول الرشيده ـــــــــــ اللي لكبرها والحشر غـــــدا تفطن

لمن الجحيم تصيح هل من مزيده ــــــــــ تطك الأنام من الوجل سن على سن

وخلاف ذا كال التـــــــأنى بنشيده ـــــــــــ أبيــــات مثل الجوهر الماس يسون

يرثي بها دار السلام المجــــــيده ــــــــــ بغداد دار المعرفة وموطن الفن

صوتج يعنوان المراجل فجــــيده ــــــــــ جان لزئيرج اشرس اعداج يذعن

وجنتي بزمانج للأشاوس عجيده ــــــــــ وجيوش من ضربات جفج يدبرن

بغداد ياسور العروبة العنــــــــيده ـــــــــ لازم عليج خيول خـــــــالد يردّن

ولازم جيوش الروم ترجع شريده ــــــــ وغربان فوك لشاش منهم يحومن

بغداد ياكلب الصمود او وريـــــده ـــــــــــ جروح اليحبج من نزيفج ينزفن

جيش الصليبي تايـــــــذلّج بعيده ــــــــــ عندج اسود تخوّف الأنس والجن

بغداد ماتوفيج اكبـــــــــر كصيده ـــــــــ ومهما الأقلام من القوافي ينظمن

يوفيج حرن مانقض في وعيــــده ــــــــــ ثابت ولاعند المواقف يجبّن

بغداد عندي في نهوضج عقيــــده ــــــــــ مهما الليالي أدبرن بيج وأكفن

ومهما جمع صهيون جثرت عبيده ــــــــــ ومهما من اهل الدار ضدج تصهين

بغداد ريت أيام عمرج مديــــــــده ــــــــــ وأيام عمر الخان ملحج يكصرن

ألعز ابوج وللمفــــــــــاخر حفيده ـــــــــ امّج الغيرة والمجد صارلج بن

بغداد جيّات الجحافل اكيــــــــــده ـــــــــ يقين ثابت كاطع الشك والظن

ولازم تعود أيام عيشج رغــــــيده ـــــــــ ودجله وفرات من الكدر حتم يصفن

بغداد جيشج جاي يصدع رعيده ــــــــــ وصولة خيوله بالوغى مايردّن

ضربات جيش المسلمين الشديدة ــــــــــ أللي رميهن سور كافر يهدّن

بغداد زلمج باللّوازم فريـــــــــــده ــــــــــ وسيوفهم عند الصحابة مثلهن

تشهد لهن أيام بدر الشديـــــــــده ـــــــــ يومن اركاب اهل الكفر غصب ذلّن

وصلاة ربي عالنبي الجادت ايده ـــــــــ جود السحاب الثكال يومن ينزلن

بأعداد مادك الكلب في وريــــــده ـــــــــ وبأعداد ماأنفاس راحن وردّن

وسلامتكم

بغداد ياكلب الصمود او وريـــــده ـــــــــــ جروح اليحبج من نزيفج ينزفن

بغداد جيّات الجحافل اكيــــــــــده ـــــــــ يقين ثابت كاطع الشك والظن

ولازم تعود أيام عيشج رغــــــيده ـــــــــ ودجله وفرات من الكدر حتم يصفن

جميلة هذه القصيدة وان شاء الله بغداد ورجالها يضمدون الجراح وتستعيد الصحة والسلامة حبيبتنا

بغداد امييييييييييييييييييين رب العالمين

اميييييييييييين رب العالمين
شكرا على مرورك الرائع
هاي شنو صدك انت كاعد باب المنتدى

اي والله بس كاعد على الكرسي الي بصف الباب هههههههههههههههههه

عاشت يداك امير وان شاء الله يتعافى جرح بغداد

والله وانا اقرأ القصيدة نزلت دموعي دون ان ادري محبة بغداد كبيرة في قلوبنا
عندج اسود تخوّف الأنس والجن
والله كل كلمة بل قصيدة صحيحة ولو كتبنا بيها مليون قصيدة منوفيها ولا نصل لوصفها
وصف بغداد يعجز القلب واللسان عن وصفا

عاشت ايدك خيو كلام كلش حلو وجميل

عاشت ايدك خيو كلام كلش حلو وجميل

والله تعودت على على نور كلماتكم الشفافه اسعدتموني بمروركم الرائع