جيوش البنات اعلنت الحرب

[size=18][/size]شبااااااااااااااااااااااااب البنات اعنلو الحرب علينة او اولهن .. حمامة العراق الي كل ما انطب على مشاركة انشوفهة اتفشل العضو .. مو اني يعني بس يمكن رحة يجيني السرة او كلت خلي الحك على نفسي

راكبه فرس وتجي من بعيد طربك طربك طربك تجيحمامة العراق من غزوه سوك المعدان بعد ما اباده الجيوش تجي علينه من مبارز اريد واحد اطلع قهر الدنيا بيه بس منو يطلعلها هاي اذا هي جايبه المنجنيق تسحل بيه وجاي علينه عبالك ماكلين ورثها وماندري
بس بعدين طلعلها فارس بالباكيت شلون فارس من هذا المضبوط وشلون طلع بالحركه البطيئه طر..بك
طر...بك طر....بك جان حمامة العراق من شافت الفارس كالت في نفسها انلاصت عليه والله لك شنو هذا الفارس عشر حصونه ماتشيله جان حمامة العراق تكله انت منو الفارس جاوبها اني اسامة الباوي لواء متقاعد بجيش الحجاج شباب المنتدى استجاروا بيه دزولي ايميل على الياهو كالوا تعال انقذنا من هاي الطركاعه واني لبيت النداء وره شويه بدا النزال والمبارزه طولت اسبوعين اني جق وهي جق اسبوعين لا غده ولا عشه بس جق وجق يعني حتى الموبايل رن اجتني مخابره من اخوية ومن غسان الي على الحدود العراقية بس ماكدرت ارد على الموبايل بعدين طلعت روحي ذبيت السيف ولزمتها من ايدها كتلها اكلج طلعت روحي شوكت انخلص كالت هسه ربع ساعه واهفك سيف على راسك كتلها اوكي
وره ربع ساعه سطرتني بسيف ابو ابويه انسمط جان اوكع بالكاع وكلت اوي اوي اوي اخذتني غفل
ومن وكعت بالكاع والدم الاحمر مالتي ترس اهدومي اجت حمامة العراق عليه وكفت يم جسدي الممزق واهدومي المتروسه دم وكالت سيدتي استعملي تايـــــت الحصة يزيل البقع الحمراء من القميص
فهل من مبارز