عندي وياك خطة

موضوع: عندي وياك خطة السبت أكتوبر 27, 2007 3:40 pm

ترى الماشاف حســـنك مبتدء معروب
ويقع من شاف حسنــــك في خبر كانه
يلعــــــينك جزيرة وبيـــها بس غابات
ورمـــــــوشك علـــــــيها جنود سفانه
من طحنه بمــــــحبتك ماأغوانه إبليس
ولا شيطان وزنه وحســـــــنك أغوانه
سگيت اعيــــــوني منك يلجمالك ماي
وكلما أروي عيني تصـــــيح عطشانه
بيك الدنيا تحــــــــله وما نريد الموت
وبدونك لا أبد ماتســــــــــــوى دنيانه
شگد شفـنه سهر لمــــــن زعلنه وياك
غشـــــــمه وحيل بــــينه ومـوت لفانه
شلون إنـريد غيرك يــــــــــــل إذا مريت
نتـيـــــه ومانعــــــرف اشجانه ماجانه
مــن گــد غيرتي وحبي وحناني عليك
أغـــار اعليـــــك صدگ حتى مني آنه
إذا أخرس يشـــوفك من امـــامه تفوت
تنـــــــفك بجمالــــــك عقـــدة الســـانه
وإذا أعمــــى ويحس إجدامك تــمر بيه
يــــــــــشوف الدنيــــا منك بشر مليانه
وإذا جيــــت لبشـــــــــــر ما آمنو بلله
كل واحـــــد توضــــــــــه وشال قرأنه
صعـــــبه الدنيـــا تخلق مثلك إيگولون
وأكـــــيد الخلق حـــــــسنك الله سبحانه
على شفافـــــك شفت نحله وبديها سلاح
مخـــــــبوصه بصـــــدگ تطرد الخوانة

يللـــــــــــونك ثلـــــج بس داخلك تنور
آنه وگلبـــــــي منـــــك زاد بلـــــــوانه
آنه وگلــــبي بمــــرك والتريده إيصير
بــــــس انكون يمـــــك هذا مــــــسعانه
رادك گلبـــــي يمه حتى يبــــقى ايعيش
وحطك وســـــط دمه ونبـــــض شريانه
ولون حبـــــــي الك يـــــــــنذاع بالتلفاز
لذيعـــــــنه على شاشـــــات روتـــــــانه
يا أقـــــوى سحـــــر بيك وعميت الناس
إذا الذابـــــح أبـــــــنها ويـــــاك فرحانه
عـــــندي وياك خطــه انحمي بيها الگاع
ونحــــرر وطنــــــــه ونطـــــرد الجانه
على اعدانه تمــــشـى وطب معاهم فوت
والبــــــــس ثوب احمــــر وچفل أردانه
ومن تلــــعب بشــــعرك رايح إيدوخون
ونجــــي احنه بتــــــواثي ونكتل اعدانه

شكرا عزيزي مهند

كلمات روعه وراقيه

دمت رائع

تقبل مروري

شكرا لك و لمرورك الجميل

عندي وياك خطة Get-10-2007-do7a_com_1wjzh7kp

العفو اخي

تدلل

ـــــــــــــــــــــــ

روميو شنو قصة الاعضاء الباقين ولا واحد متواجد وان شاء الله العارض خير ننتظر ردودهم مشاركاتهم

لا عيني ااااني اجيييييت وباكم سوووولي مجاااااااال
عااااشت ايدك خيوو كلمات وفي غاية الروعه

هلة بيج منورة يا مهندسة المستقبل نورتي والج احلى صورة

شكررررررررا خيوووو النور نوركم وربي

[img:796c]http://smilesgate.b7b7.com/smiles/22/36_1_11[1].gif[/img:796c][img:796c]http://smilesgate.b7b7.com/smiles/22/36_1_11[1].gif[/img:796c][img:796c]http://smilesgate.b7b7.com/smiles/22/36_1_11[1].gif[/img:796c]

هلة والله بالجميع

اهلا وسهلا

بالجميع

تحياتي لكم

ــــــــــــــــ

[img:57cf]http://smilesgate.b7b7.com/smiles/22/36_1_39[1].gif[/img:57cf][img:57cf]http://smilesgate.b7b7.com/smiles/22/36_1_39[1].gif[/img:57cf][img:57cf]http://smilesgate.b7b7.com/smiles/22/36_1_39[1].gif[/img:57cf][img:57cf]http://smilesgate.b7b7.com/smiles/22/36_1_39[1].gif[/img:57cf]

وبيك روميوووووو

عاشت ايدك مهند والله جميلة جدا جدا