الاسئله الوزاريه لهذا العام

بسم الله الرحمن الرحيم

جمهوريه العراق

وزاره التحشيش

الماده : الفيزياء

الوقت : مدى الحياة

ملاحظه : الاجابه على سته اسأله على ان يكون الاول والثاني والثالث والرابع والخامس والسادس من ضمنها

السؤال الاول: رواد فضاء صعدوا الى الفضاء واخذوا معهم ثلاجه بيها اكل وعلى مسافه كيلو ونص من القمر خلص الاكل وشمروا الثلاجه مناك .. احسب سرعه سقوط الثلاجه علما ان الماطور عاطل ؟؟؟

السؤال الثاني : واحد ديمشي هوه وصديقه ..((يعني هوه ديمشي ووراه صديقه )) والمسافه بينه وبين صديقه متران فقط .. واللتفت الى الوراء بعد مرور عشر ثواني ولم يجد صديقه.. اين ذهب صديقه ؟

السؤال الثالث : سياره تمشي عالقناة نوع اوبل اوميكا بسرعه 120 كم\ساعه صادف مرور كلب سائب امامها على مسافه 20 متر من السيارة وداس بريك فوقفت السياره على مسافه متر من الكلب (( لتخافون مراح اسالكم شنو نوع الدهن بريك )).. اجتي سياره همر مالامريكان (الله يبعدنه عنهم ) ضربت الاوبل من وره .. شكد جان يمشي ابو الهمر ؟ علما ان الجندي السائق من ولايه اريزونا الامريكيه

السؤال الرابع : ولد ديمشي في شارع الربيعي على الجهه اليمنه وبنيه تمشي على الجهه اليسره من الشارع انتبه الولد عالبنيه واندعم بتيل .. البنيه ضحكت.. كم عدد البنات صديقات هاي البنيه اللي راح هاي البنيه اتسشولفلهن الصار بالولد من وراهه ؟ علما ان الولد مضروب بوري قبل 20 دقيقه في نفس الشارع ؟؟

السؤال الخامس: ارسم مؤشرا على اجزاء طريقه عمل الدولمه ؟

السؤال السادس:

علل ما ياتي

1-.السوني اركسون ليش يخلص الشحن مالته ؟

2-المولده التايكر اتطلع دخان ؟

3-لا يوضع الصاص والعنبه معا في لفه الفلافل ؟

4- الفقير ما يعيش بالدنيا

خوش اسئلة والله مفيدة هههههههههه والله تحشيش يا جماعة بس ان شاء الله اجاوبج عليهن في وقت اخر لان يرادلها قراية شوية ومصادر لازم ادور عليها وتقبلي تحياتي

شكد حلو لو نمتحن بهيجي اسئله هالسنه

عاشت ايدج مونة لو هيج اسئله لو متراد

اي اي لو هيج اسئلة بالفيزياء كله ميات هع هع تحشيش لالالا بيومكم يالعراقيين

يله صوتولي خلي اصير وزيرة التعليم حتى احطلكم اسئله تخبل تخبل والله اني والمدير مالتكم عمو كوكي