ياعراق ياجريح

<HR style="COLOR: #d1d1e1" SIZE=1>
<hr style="COLOR: #d1d1e1" SIZE=1> يا عراق الجرح بيك اصبح جبير

وندري جرحك يا وطن اكبر جرح

وندري ما مرتاح يا عراق الحزين

والحـزن ويــاك اكــل زاد وملــح

وصار بكلوب الشعب مثل النبض

والحزن ويه الشعب اصبح يلح

شنهو ذنبك يا شعب تشبع قهر

وانته ابو الطيبين يا شعب المرح

ليش باكو ضحكتك يشرف شعب

وخلو اطيورك تنوح ابلا جنح

وللأخبــار اصبحـت انتـه اول خــبر

لو فتحنه التي في احنه امن الصبح

أول الــنشــره نشــاهــد أنــفجــار

او وره اشوي انشاهد اشلون الذبح

يــلزم الحــاقــد سجــاجين الغــدر

وتعرفـون الباقـي مــا يلزم شرح

رادو ابهــاي الأمــور ايفــرقـون

ورادو ايخربـون ما رادو صلـح

الشيعه و السنه تضل واحد غصب

وانته تخسر وابد متشوف الربح
افــزع ورد الأمــان المــوطني

وشيل من صدر الوطن هذا الرمح


<HR style="COLOR: #d1d1e1" SIZE=1>
<hr style="COLOR: #d1d1e1" SIZE=1>

انشالله ينشال هذا الرمح من صدرك ياعـــــــراق

شكرا حياتي سولاف على هذه الكلمات الرائعة


تحياتي,,عشوووقة

يسلمووووووووو مونه وعشوقه وشكرا على مروركم