مسجات عراقيه!!!

محبتك بالگلب كومة .. ومنك ما تجيني النومة

يروحلك فدوة المالكي وكل الحكومة

ـ

أحبك كثر سكان الصين
وعدد قواطي البيبسي بالدكاكين
وأزمة الگاز والبنزين

ـ

إرهابي ليش صاير مو أنت حباب
فجرت گلبي شبيك سويته عطاب

ـ

هواي من البشر حلوين .. بس أنت لك ميزة
تدخل للگلب تهريب ما يحتاجلك فيزة

ـ

هم قصف هم قناص هم مدفعية
هم شوفة الغاليين حسرة علية ؟

ـ

كون أنگلب قانون وأحكم حكم عام
وأحكم على الينسون كلهم بالإعدام

ـ

أخطب شلع بالناس والساحة تشهد
وأعلن حظر تجوال لو غثك أحد

ـ

سلام ميسلمون ، سؤال ما يسألون ، رسالة ميدزون
راح أفخخ روحي بلكي بالفاتحة يجون

ـ

أحبك حب عجيب .. حب إرهابي بس شغله مو تخريب
وما يفرقني عنك حتى لواء الذيب

ـ

من گلبي أجر أسلاك حتى أتصل بيك
فدوة الرصيد يروح بس كون أحاچيك

ـ

لا آلو .. لا ترميش .. لا منك أخبار
ردنه خمس سنتات .. ما ردنا دولار

ـ

مجبور أدك أرقام تجبرني إيدي
دم گلبي أخلصه عليك مو بس رصيدي

ـ

أرسلك ألف بوسة .. بوسة تغار من بوسة
وأرسلك حنين وشوق يسوون الگلب هوسة

ـ

أنت النفس والروح ومن جسمي قطعة
والقلب لو ينساك من صدري أشلعه

ـ

أحبك حب ما ينكتب وصفه

أو عليك الگلب مثل الذهب وصفة
عليمن يكتب الدكتور وصفه
إذا عينك والشفايف صيدلية

ـ

أموت حسرة وقهر لو انت تنساني
وأرضى أعيش بسجن لو أنت سجاني
ـ

عن حبي إذا سألوك لا تنطي تفسير
سر مثل دم كليب وي سالم الزير
ـ

اذا تنسون ما ننسه .. أنتم للگلب شمسه
ياريت الدرب خطوات نجي ونشوفكم هسه
ـ

لا تضن يوم أنساك يلتسوه كل شي
تسوه العدل والمات والتوه يمشي

ـ

خيط وخرز ضليت سبحة آنة بيدك
مو صوچي ، صوچ الروح هي التريدك
ـ

مخبل وأحبك موت حب يهدم الحيل
عاد انت شوف شلون حب المخابيل

ـ

فهمني يالمحبوب موقف حضرتك
بالگلب كاعد ليش قابل غرفتك ؟

ـ

أسأل عليك شصار ما راسلتني
سنتاتك مخلصات لو زاعلتني ؟

ـ

هاك الگلب والروح وعيوني أخذهن
دوم الك مشتاقات خلصني منهن

ـ

نسيانك شبيه الموت وذكرك في وسط جنة
حبك بالگلب منحوت أموت بقربك أتمنى

ـ

تسلم يا بعد الروح يسلم لسانك
بين الگلب والروح صاير مكانك

ـ

من أغمض أحلم بيك .. ومن أزعل احن عليك
ومن اصفن افكر بيك .. والله أموت عليك

ـ

لو راح عطر الورد عطرك يضل يفوح
شما طال بينا البعد ساكن تضل بالروح

ـ

ذبحني الشوگ يا روحي وأحس الروح محتارة
تمنيت الگلب يمك تطفي بشوفتك ناره

ـ

معذبتني هاي الروح بس تسأل عليك
أتمنى عندي جناح كل ساعة أمر بيك

ـ

شگد أخاف عليك وشگد أهم بيك
حزب الله لو يرضون نصر الله اسميك

ـ

أدعي الله الرحمن سالم يخليك
تنساني لا ما اريد بس هاي اوصيك