شد الولد منظومة وتسلم اشــــــــــــــارة ****وطــــــــــــــار من الفرح او وزع بشارة
سوه فورمات للحاسبة وعـــرف الديلنك ****نوبة النت يمه ضــــــــــعيف ونوبة طيارة
فتح ماسنجره وتلقى التـــــــــــــــــــهاني ****واحبك موت خـــــــــــــــــــــــلاها العبارة
دخل جـــــات ومنتدى ولطش على بنية ****بت محافظته العزيزة وربع ساعة بالسيارة
برسالة خاصة لو بالخاص كام يدك نــــاعم ****واجيبك للدرب هذا شعـــــــــــــــاره
البنية ادوهنت وكــالت هذا خوش وليد ****ولزك من الصبح لليل وهي محـــــــــــتارة
وكالعادة ممكن نتــعرف انه من محافظتج **** اي ممكن. نشنش الولد وطكله جكارة
كاللهه انه طالب وسيارتي بيــــــجو 2006 **** وبيتي دبل فاليوم عبالك عماره
عجبني اسلوبج بالحوار وشخصـــيتج الفذة *** واسمج بعد احلى كله حب وشــــطارة
وماطولها عليكم صــــــــــــــارت ميانة **** وحبهم لمايكروسوفت وصلت اخباره
كاللهه شـــنو خطج اسيا لو عراقنا لو اثير****حتى واحد يتصل بالاخ ونقوي العـلاقة
.... خطية البنية علـــى نياتهه وتعلقت بي **** وصارت مكابله الحاسبة وتلزم خـــــــفارة
هسه يدخل بعد شوي يدخل وهو مــاكو****تتصل بي يسد التلفون وشغل الـــــــــحقارة
ذاك اليوم دخل وكالتله شنو نــــهايتنه **** ويمته تخطبني ونزوج ونعلكها بالـــــحارة
كاللهه سكــــــــتي انه مدمر وحالي بالضيم **** كالت شبيك مريض سويلك جـــــــارة
كاللهه لا حــبي مو شغلت مرض كالت ****شنو? كال ابوي جبرني ازوج بت عمي سارة
تحياااااااااتي
الخميس أغسطس 30, 2007 6:07 pm