كعدت من النوم يوم الثلاثاء الساعة 7:30 الصبح مثل كل يوم غيرت ملابسي نزلت شغلت السيارة طلعت فتحت باب الكراج بالبيت المقابيلي بيت ابو وسام القاضي ابنة جان يمسح السيارة لان البارحة جان اكو شوية غبار بالجو سلمت عليه ووكفنة نسولف شوية عن امور الدنيا ,عمر الي بصف بيتنا جان واكف ينتظر اخوه يجي لان اخوه يشتغل بفرن للصبح , المهم سلمت عليهم وجان صباح يوم حلو لان البارحة تراب والجو يبعث على الكأبة بس ماشاء الله اليوم الشمس طالعة ....طلعت ومشيت بالسيارة متوجه لمكان شغلي حسيت الناس كلهة فرحانة مثلي وبدون سبب اي واحد تشوفة بالشارع يبتسم بوجهك سواء تعرفة او لا , وصلت للترفك لايت مال ساحة الحرية الاشارة حمرة وكفت وبصفي دورية مال شرطة واكفة تنتظر الاشارة تصير خضرة حتة يكملون طريقهم ويشوفون شغلهم وواجباتهم صارت الاشارة خضرة اني اتجهت على اليسار حتة اطلع على ابو نؤاس كلت بيني وبين نفسي الله شكد حلو النظام عمي القانون حلو, وصلت للمكتب الي اشتغل بيه ومثل كل يوم نزلت اتريك بمطعم ابن سمينة المشهور في منطقة السعدون تريكت وشربت شاي ورحت للمكتب حتة اشوف شغلي بس جنت تعبان لان البارحة حفلة زفاف ولد صديقي وجنت اني والعائلة بالحفلة ومكانكم خالي حفلة بنادي المنصور رجعنة تقريبا الساعة 3:30 بعد منتصف الليل النعاس غلبني اخذت غفوة فزيت ورة كم دقيقة ركضت على الشباك باوعت ؟؟؟؟؟
بأيدي وبأيدك ممكن نخلي الحلم يتحقق ونرجع لحياتنا واحسن من الماضي .
اخوكم *العراق حبيبي*
السبت سبتمبر 01, 2007 7:21 am
