كبة جريش مو تبيعية

السلام عليكم : شلونكم عيني ادري بيكم مو زينين بس ميخالف راح تسمعون بالقصة مالتي وتشوفون الكبة الي صارت بية والي اني ضليت الف بيها من خلال هاي القصة يالله نبدي وياكم
اني عم رابو الخطاب ساكن في سوريا معليكم وين بسوريا المهم اني ساكن اني واختي بشقة عدنة بيت جيرانة الله يسلمها اسمها ام عمر وگبل والله هاي ام عمر تخلي كل غراضها يمنة ادري اام عمر شنو ماعندج شقة خوب ليش متعوفين شقتج وتعال اكعدي ويانة المهم اكمللكم ام عمر تخلي كل الاكل مالتها ويانة وماكو شي مطلبة من عدنة مثل(الماسحة... بطل مي بارد...مكناسة ... كركم .... نومي بصرة.... بهارات....هيل والى الخ) والله يوم من الايام واني نايم شلون نومة اندك الجرص كمت فتحت الباب واني طبعا بنومتي يعني مطفي واروح منا واجي منا وماكو احد بالشقة بس اني ام عمر طلبت بطل مي بارد والله رحت على الثلاجة وفتحت الفريزر وجريت البطل الي صايرة جواه الكبة هاي الحجي اني ما اعرف الكبة مال ام عمر جريت البطل الكبة كولي هيج وبالكاع عدل وكبل وبقة بس البطل بيدي والله كلت هسة تجي اختي وتسويها والله انطيتها البطل مال المي وراحت رجعت للمطبخ كلت خلي المها اني والله لمن اباوع على الكبة اني دايسها برجلي وما ادري والله هاي مومال تلم كلت خلي الفها من جديد والله كعد الف بالكبة واني نايم ومطفي (عيني لتشوفون شكلي شلوني واني دا الف بالكبة اخبل ) المهم والله اندك الجرص مرة ثانية كمت وفتحت الباب واني ايدي كلها ريحة مال كبة وشلون كبة الله يسلمها المهم والله فتحت الباب وهم ام عمر تفضلي كالت عفية اريد الكبة مالتنة كتلها شنو!!!! كالت الكبة مالتنة لك طلعت الكبة مال ام عمر خربعمي هاي تعال شتكللها والله كتلها اني ما اندل كلشي خلي تجي اختي وتنطيج الكبة كالت عفية دشوفها اريد اسوي اكل كتلها انتظري؟ والله رجعت للمطبخ لك اباوع على الكبة مابيها شوفة والله رجعت كتلها ما اندلها خلي تجي اختي ...والله ما جذبت خبر سد الباب وراحت بس الحجي شكت بالسالفة بس شنو عبالها اني مكلي الكبة وماكلها والله رجعت على الكبة والف بيها على السريع لان عرفت راح ترجع والله واني دا الف بالكبة واندك الجرص مرة ثالثة طلعت كالت عفية ماعدكم كركم انطيتها كركم كالت اريد هيل كتلها انتظري والله رجعت ادور على الهيل ماكو درت وجهة وجان الكاها كبالي وطابة للمطبخ !!!! شافت الكبة ممرودة بالكاع ظربت على وجه حيل وكالت عزاااااااا عزااااااااا الكبة مال ابو عمر اليوم بيش راح اسويلة عشة بيش راح اعشي كتلها هسة تجي اختي وتسويلج وحدة احسن منها كالت لا انت هيج مسوي على القسطني وموكعها بالكاع انت تكرهنا كتلها لج بابة شعندي وياكم علمود اكرهكم كالت اي انت تكرهنا والله وبالحجي هذا وجان تدخل اختي للشقة واجتي للمطبخ والله جان تشوفني وياها انوب اني اريد اخلص من ام عمر جان اختي شتكول شوفو هاي فوكاها هاي شعندك ويها ها شدسوي وياها بالمطبخ احجي شفتو القهر وهاي تعيط الكبة مالتي واني روحي طافرة من الريحة مال الكبة الله ليشممكم ريحتها المهم والله ضوجتني اني من الضوجة وتحجي علية تكول انت متقصد موكع الكبة بالكاع وجان اكوم واكمز فوك الكبة كدامها حركت كلبها يلا ارتاحيت وهية تكول اي اي مو اكلك انت تكرهنا والله جان اجرها من ايدها وطلعتها برة الشقة رجعت على اختي وفهمتها السالفة واختي دتحجيلي على ام عمر طلعت ام عمر سويج طباكات) المهم والله ما احجيلكم الريحة مال الكبة شلون صارت بالبيت والبيت ريحتة تكتل سألت اختي كتلها اكلج هاي شنو محشيتها كال بس شحم وابيها ولا قطرة لحم طلعت هنا السالفا والله دخلت للحمام اغسل وارجع ليورة ومتروح الريحة اخر شي من الضوجة بدلت وطلعت وبالطريق جان يشوفني رجلها كال اخوية انت شبيك وية مرتي وليش الكبة دايس عليها كدام مرتي ومتقصد كلتة اكلك ترة اني راسي ديوجعني من ورة مرتك اسكت بالله هسة هية شلون كبة عليها عين جلكة كال شبيها كتلة دتعال خلي اشوفك علمود تحكم بنفسك والله جان ادلخة للشقة واول ما افتح الباب وتكب بوجه الريحة مال الكبة الي تكتل كتل صفن كتلة ها كال هاي شنو الريحة كتلة هاي مال الكبة مال مرتك الي تحجي عليها وتكول كبة وكبة كال هاي الكبة مالتنة هيج بيها ريحة كتلة اي لعد شنو عبالك صفن مرة ثانية جان يكول ادري هاي شنو محشيتها خررررة ودار وجها وطلع وهذاك يوم وهذا يوم اخر شي ورة يومين شالو من ورة السالفة مال الكبة هههههههههههههههههههههههههههههه بس اني عجبني رجلها لمن حجة هاي الحجاية المهم عيني خلي اشوفكم الكبة