ليش اليوم راجع مني شتريد
يمعود دخيلك لا تجينه
شفنه الموت من نومنه الجروح
اونفسنه انكطع حد مانسينه
ليش اليوم راجع النه حنيت؟؟
لو جاي انت تتشفه بجينه
وينك جنت غايب كل هالسنين
نطرناك بدمع حد ما عمينه
جنه نموت من يمرنه طاريك
شجنينه وياك كلي من هوينه
وشيرجع هواك احنه نسيناك
ميريدك كلبنه لا موبدينه
هواي تاخرت مات الهوى وراح
دفنه اشواكنه ومنه انتهينه
هذا اخر قرار ولا مينعاد
قسمنه وباطل الينكث يمينه