ابو ذيــــــــــــــــــــه

ابو ذيــــــــــــــــــــه

وين اليضمد الجرح ويشل
ومن همي ياهو اليدن ويشيل
ترة فراك الاحبه يعمي ويشل
ويشوفه بالضحى نجوم الثريا
****************************
تهت ماعاد اعرف ارضي من سماي
وانت اقرب الروحي من سماي
جرعت الصبر حسيته منسماي
تحله بجيت احبابي عليه
********************************
وحق الي تعبده الناس منشاف
الدمع من يومكم لليوم منشاف
الف ياحيف شفي إنقطع منشاف
بعد هيهات جمعتنا سوية
*******************************
عيونك كحل يهواي لو شهد بيهن
حزن وفرح واحلام قلبي شهد بيهن
اوصاف بيك هواي شلزم شهد بيهن
اذا كلهن يوصلن للمنية
*****************************
تهت محد من احباب علي شار
ينجيني الذي شمسه علي شار
حجيت المصلحه طلعت على شار
رجيت الغانمه صارت رديه
****************************
اعذرني والوكت عنك لهاني
بعزاك الزاد الي ابدا لهاني
تفر من البدن روحي لهاني
بسبب ماشالت التابوت هيه
************************
وانساب
سرح شعرك تهدل صوبي وانساب
وطفح دمعك على الوجنات وانساب
اسألك ياهو گلي وياك وانسب
وتجازي افعالي الطيبه برديه
************************
وعلاه
شربت المر وجرعت الآه عالآه
واصيح الآه وانت ترد وعلآه
وحگ الي سره بعبده وعلاه
لأزگيك الزهر باثنين ايديه
************************
بسلاك
عگدت الگلب وسط الشوك بأسلاك
ونذرت العمر ويه الروح بس لك
احبك ولا تفكر يوم بسلاك (بنسيانك)
انه بنومي ويمر طيفك عليه
**********************

عاشت ايدج فراشتي ماشاء الله المشاركات حلوة مع تحياتي

يسلموووووووووو

شكرا لمرورك