هلوووووووووووووو
هاي خطوات اذا احد ينوي دخول سجن الزوجيه هههههههههه
هاي خطوات تخلي اهل البنية الي تريدهة يحبوك ويرضوون بيك وينطوك العزيزة بنتهم
1-تروح كاشخ ولابس قاط مو مؤجر دير بالك تره مبين من اللون والدكم ماكو شي يشبه شي.
2-تشيل وياك دبة بنزين ام العشرين ودبة نفط ودبة غاز والسيطرة راح يكلولك شنو مفخخ ورايح وتخليهة بالصندوق مال السيارة .
3-تقنع ابوهة بان انتة خوش ولد ومتربي احسن تربية وما تدخن وما عندك سوالف ومكسرات وبندق وتفيك عليهم .
4- تبين الهم بان انتة مو طماع وانت كاتل روحك عالبنية وتحبها اكثر من روحك
5- اذا امها وابوها تعاندوا بامر معين اطبك وية الام لان بيدها الحل والربط اذا كالت اي لو مية اب ميكدر يكول لا .
6- لا تحجون بالسياسة ليش ؟؟؟ لان ما راح تحصلون شي كلمن يكول حزب فلان هوه الزين ويجوز تكلب عركات .
7- لا تجيب وياك العشيرة كلها لان اذا انضربت بوري راح تنفضح خليها ع نطاق البيت بس .
8- جذب عليهم وهنبل للصبح براحتك شكد ما تكدر حتى تدوخهم وما يفتهمون شنو السالفه .
وتالي متالي اذا احد نطاك بنية تعال عاتبني ههههههههههههههههههههههه
السبت سبتمبر 15, 2007 6:17 pm