السلام عليكم حشاشة و حشاشات
حبيت احشش وياكم بهذا النثر المصلاوي عن الطالبات و بلكت يعجبكم
ياطالبه غشي وبالكي امين
انت محد يقلكي اشعتعملين
احنا بس اذا التفتنا تتاشر الورقة
ونطلع من القاعة مطرودين
انت نجاحكي كل سني مسوكر
ونحنا نقضي بالمرحله سني وسنتين
من ما تلبسين الزي الرسمي يعمل نفسو ماعيغشعكي
بس لو احنا يقول اطلعو انتم مخالفين
لو يغمى علينا قدام الاستاذ ماياجل الامتحان
والامتحانت تتأجل لو انت تعطسين
واشما يصيغ بالادارة والاقتصاد يطلع الصوج مننا
وتطلعون انت ملائكة واحنا شويطين
ويابه اشقد اكو فرق بينا وبينكم
واشقد احنا معاكم مظلومين
اذاماجاوبتم بالامتحان تقولون
مادرسنا من خلف الطبخ والمويعين
اشون كذب من خلف الدش والاغاني
وعلى روتانا وميلودي قيعدي تتطمشين
احناياويقفين يا اخرساف قيعدين
وانتم المدللات بالصدغ قيعدين
اذا قتولكي بالمتحان غششيني
تثوليها وتعملين نفسكي ماعتسمعين
بالكافتريا بالشوكة والسكين تاكلين
وبالبيت اصابعكي العشغة تستخدمين
من تحكين مع الكبل صوتكي ماينسمع
بس معانا صوتكي عبالك عتتقاتلين
من تقعدين مع صديقاتكي الله يستر
عالغيح والجيي تقشبين
انت اول وحدي بالكوستر تركبين
ومن احنا نجي يقولون ماكو بانزين
ومن نجي عليكي اشقد تتعزعزين
انقللكي تعالي معانا سفرة ما تقبلين
اغشعتي بيها طربكة جيتي وغانا تركضين
اربعة وعشين ساعة الموبايل ابيدكي تتباهين
ليش احنا ما نعغف لو تموتين ما تحصلين
قيعدي عالانتر نت غجل على غجل وتكتبين
وانت حتى الماوس ما تعغفين تمسكين
كوي هذي كل صراحتي انا عدشاقه
وكل هذا مزح واحنا دائما بيكم متعلقين.......
تحياتي للجميع و شرفونة بالردود
الأحد سبتمبر 16, 2007 10:46 am