تفرقه؟؟

السلام عليكم ......اول شي تفضلتي وكلتي الامريكان السود والامريكان البيض وعايشين سويا وماكو تفرقة تعرفين شكد عانا الامريكان السود من اضطهاد وقتل وتهجير وسلب حقوق ؟؟؟؟؟ بس بقو يناضلون مو بالقتال المسلح لا بقو يطالبون بحقوقهم ويدفعون اولادهم حتى يصيرون بمكانات تخليهم يكونون سواسية مع البيض ماكو شي يجي بسهولة ....لو الشعب يوما اراد الحياة فلابد ان يستجيب القدر ... مو لو مومو ... والشغلة الثانية الي تطرقتي الها انو بالخليج اكو طوائف تعيش مع بعضها مو احنة كنا عايشين مع بعضنا وللعلم العراق من اكثر البلدان الي تحتوي على طوائف عدنا طوائف مموجودة حتة بالمريخ ومع ذلك جنا عايشين سوية, وخوفي وخوف كل العراقيين تنتقل التفرقة هاي من تفرقة احزاب الى تفرقة مواطنين ...قدر الله وماشاء فعل
اخوكم *العراق حبيبي*

شكرا لك مونة الرائعة بالبداية لا يوجد اي فرق بين ابناء الشعب العراقي وانا اقول ابناء وليس احزاب وابسط دليل هذا المنتدى الصغير المتواضع فية جميع الاطياف يكتبون وقرئون ويطمحون لنجاح المنتدى وهو نفس الهدف الذي يطمح اليه الجميع على عكس الاحزاب فانهم يطمحون لاشباع حاجاتهم

وانا شاهدت لقاء عرض على قناه الزوراء وهي من اكثر القنوات التي تثير الفتنة بين الشعب وكان اللقاء بين مشعان الجبوري وموفق الربيعي وكان اللقاء قبل سبع او ثمان سنوات لا اذكر بالضبط لكنهم عرضوه قبل فترة وكانو الاثنين يتحدثون باسم الطائفية وكل شخص منهم يتهم الثاني بانة ينتمي الى جهة او دولة مع العلم العراقيين قبل 8 سنوات لا يعرف اي احد منهم معنى الطائفية الا بعد ان جاء مشعان والربيعي والهاشمي والدليمي والحكيم وغيرهم فهذه فترة واختبار للشعب العراقي وان شاء الله يزول بعون الله شكرا على الموضوع الجميل والهادف تقبلي مروري وملاحظاتي