تريد تتزوج؟؟ التمساح من يدخل يحقد على الزواج

تريد تتزوج؟؟؟ تعاي جاي لعد شوف شلون المصيبه

سلامن عليكم وج و كفة شلونكم حشاشة شلع؟؟؟ تحياتي و اشواقي الحارة خنسمية و صباطعش درجة سيليزية و صباح الخير اذا جنت تتريك و مساء الظهر اذا دا تتغدة و نعيما اذا دا اتزين مشتاقلكم بكد الكهرباء الوطني و احبكم بكد أليسا (أليسا ما اتعض) المهم تريدون تتزوج مو؟ يابه بيها الخير بس ديربالكم اللي يريد يتزوج يجي ليجاي (ليجاي حليب)
يابه اليوم نتناول (يا مطعم؟؟؟) نتزقنب موضوع اهووو العفو نتناول موضوع الزوجة شلون تعامل زوجها؟؟

الموضوع للتصنيف ترة
يكعد المكرود الريّال (ريال لو درهم؟) على كولة الخليجيين ها يابه ؟؟ يكعد ساعة بال 8 الصبح بعد ما يسمع المنبه

ككووومممم أأأأككككككعععددددد (12 ميكا ريختر) يفز المكرود و يمكز كمزة ما صايرة في تاريخ اولومبياد مقاديشو و يلكة نفسة حاضن البنكة لأنه لكل فعل رد فعل بكدة في المقدار و يشلغم عليه في الانتجاه (أدري خلط) حسب نظرية نبهام ابو الكبة
المهم يفوت المسكين للحمام يلكة مرتة مخلصة الماء (H2o منضب ) و كالبه نانسي عجرم و غاسلة الهدوم كلها بالطشت (كمر 38) حبيبي قرّب بص و بص بص شامبو و ليفة الغسلة بالف و نص و من هال سوالف
المهم يفتح البوري المكموع يلكة الداونلود مال البوري 344 byt2/sec و اخر شي this page can not be display و تطلعة كتابة please try again later connection with boori was reset

المهم
يطلع من الحمام و وجة كلة معجون حلاقة تكول بابا نؤيل عتيك وس بوجامة (بازة من جمهورية سوهام العبيدي ) و يكعد يستهدي برحمانة و هناك تكفخ خشمة بجنون ماحق السيحة مال الراحبة مم لالا لحظة الريحة مال الساحبة أي هية هاي الريحة مال السالفة المهم و يكتشف انه الليدي مرتة حاركة البيض بدرجة ناعلة سلفى سلفاه(سلفى حايك خوش مرة ترة ) تطلع المرة ذابة البيض عال تيفال و فالتة تسوي الو على ام خضير بمناسبة فوذ شزى بزون العفو حسون المهم
يطلع المكموع كرصة خبز صارلها أيام تلوب بالفريز بحيث صايرة مومياء مو خبزة و يعلسها يأستكان جاي و يولي يبدل
1ناسية الخاتون تخيط جواريبة اصابع طالعة من الجواريب تكول كولجي و يصد برجلة
2-حاطة الشيسوار بصف الصوبة الكهربائية بحيث محروك و كام يطلع فسفس مو هوة (فسفس شنو؟؟)
3-تكرمون الحذاء شامرتة بالغلط بالغسالة صاير مقلم اسود و ابيض بسبب التايد (حذاء قديم) ف المكموع عصرة و شرة عال حبل دينتظر الطركاعة العفو قصدي الطركة تنشف عال شمس ( على حظة ال المبنجر جانت مغيمة و مطر لبسة منكوع تكول لابس سفنجة مو حذاء)
4-هاهية

يطلع المسكين يصفك الباب وراه طرااااااخ (هيج من الدنيا هيج من مرتي هب
و يرجع العصر يدك ساعة مثل اليتيم محد يفتحلة (محد لو كلية؟نيااا) تطلع الخاتون نامية لو بيتنجان؟ قصدي نايمة و الاخ كاعد ياخذ لوبات بالطرمة تكول دا يكتشفها اول مرة
المهم يدخل يلكة خبرين واحد ين و الاخ مبرجق الخبر الزين الجدورة كلها فوك الطباخ (طباخ 5 عيون علمود الحسد,,, حسد مصطفى خوش ممثل) و الخبر المبرجق انه الجدورة نافظين الاكل و تاركيلة اخلص الامنيات بالسعادة و الموفقية ادري الموفقية اتعمر معدة اتشبع بطن ؟؟؟؟
يدعبل ال امة داعية عليه و يتدهدر مثل قبغ الجدر الى اقرب منتجع فلافلي مع ملحقاته عمبة (عمبة بعينة ) زولاطا (هاي بالهندي مال افغانستان) و يعلسلة 4 لفات فلافل بحيث مو بس يشيع يسكر و يكوم يشوف الواحد ازدحام
اما بالليل ف يستمع الى نشرة الاخبار و الحصاد :
وديني يم أهلي اريد ليفة حجم عائلي ابنك راح ينحرف ديلعب دعابل لازم اتشوفلة جارة
ابنك الصغير يحب بت الجيران احجي ويا وج يا بت الجيران عمرة 44 يوم اصبع رجلة الجبير ما يندلة هال مرة بت الجيران؟؟؟؟ ماطول ماكو كهرباء شلنا بالميزانية؟؟ لو تكلبها بيت مال دجاج و نجيب فد 20 دجاجة انربيها مو احسن؟؟ بيض و احتمال اذا نوعية زينة اتذب كيمر و من هال سوالف ,,,,,المسكين تفتر الدنيا براسة تكول مرجوحة 6 سليندر و يبدي يفكر يقدم بال un لجوء لموزمبيق حتى يخلص منها و من سوالفها ذات الدمار الشامل (شامل الدباغ)

و الآن ,,,,

أليكم هذا الرسم التخطيطي(بس لحد ينكرة مو مالتي) اللي يبين شلون الزوجة تتحكم برجلها (مو رجلها اللي تمشي عليها لا رجلها اللي حاكمتة العفو متزوجتة )

دكم القنوات مال الريموت كونترول :-

تريد تتزوج؟؟ التمساح من يدخل يحقد على الزواج S6C48139

1-الرجعة :- اذا ترجع ورة ال 8 اكو توثية 9 ملم مجهزة ب 66 بسمارعابر للقارات كبل على خشمك بحيث انسيك ريحة رجليك

تريد تتزوج؟؟ التمساح من يدخل يحقد على الزواج CMS48351

2-الغيرة :- اذا تشوف هيفا و او نانسي او روبي بالتلفزيون ما اكعد بالبيت نانو ثانية (النانو ثانية = 0.000000000001) ثانية ,, بس قناة السودان و راح أشفرها من ال 5 لل 9 لان بي برنامج ستار اكادمي مال سودانيين عثمانة طلعت ورة منافسة قوية وية درمانة و اللي جرت احداثها في قاعة سر الليل بالخرطوم او اذا توازيت طلع قناة عجمان تالي الليل و تفرج عال سمج

3-سهام العبيدي :- وديني السهام العبيدي اشتري هدوووووم و كنتور لان الكنتور مكام يكفي و اذا كلت لا اسويك مسج و ادزك اوفلاين لجهنم

4-النقال (نقال الخشب خخخ) :-لالا تخابر أي مرة و لا بنية و لا جاهلية او أكلك؟؟ انطيني جهاز الموبايل مالتك و هاك قلم جاف بدالة و لا تكتب عليه اسم مرة او بنية او زعطوطة او اكلك؟؟ هاك مقطاطة روح العب بيها بالطرمة

5-6-7-8-9 – تعلم أفعال الامر (درس اللغة العربية لهذا اليوم
الموضوع : صيغة الفعل الامر (ابو الكرب و الصخرة و البهذلة)
أكنس حمي السيارة كشر البتيتة بدل للجاهل شرب مي و لاصها اترك الجكاير عوف الستلايت و راك شغل انطيني مصرف انطيني مصرف انطيني مصرف انطيني مصرف انطيني مصرف انطيني مصرف انطيني مصرف صرف صرف صرف رف رف رف رف رف رف ففففففففففففففففف

و في النهاية ترة والله احنا ختية بدرجة مساكين جدا اكووول بدال الزواج لو اروح اغسل وجي و أزين هواية احسن
و تذكرو ان الزواج سبب رئيسي لأمراض الجنون المزمن و المبكر ننصحك بالابتعاد عنه 200 متر لديمومة الحياة و من أجل جمجمة خالية من الزنجار المنضب و لتلافي الاصابة بأقلونزا الطيور اكعد وحدة بالبيت حتى حياتك اتصير جكليت لأن اذا اتزوجت و بقيت تحجي حياتك اتصير شيخ محشي و شكرا للجميع

هذا الموضوع برعاية
H.M.L
معمل توابيت هيونطة و شركاؤه ,,, أنفجارات أكثر ,, علس أكثر
شغلنا يزهو أكثر
شكرا لكم