&&& يـــــوم فــــــي حياة عضـــــو أو مشرف &amp

&&& يـــــوم فــــــي حياة عضـــــو أو مشرف &&&

موضوع جميل وخفيف وياليت الجميع يشارك فيه .
الفكره عجبتني وحبيت اطبقها في منتدانا المتألق...

سنقوم باستضافة عضو..يحكي لنا عن مسار يومه
منذ أن يصحو صباحاً حتى يحل الليل وينام...

متحدثاً بحريه تامة وبأسلوب..عفوي جداً.وكم جميل لو كان به
بعض المــرح والانطلاق والتحرر من قيود المواضيع الرتيبة

ثم بعد أن ينتهي يقوم هو شخصياً باختيار عضو آخر
ليحكي لنا عن تفاصيل يومه وكيف يقضيه...

طبعاً حبذا لو كان التحدث عن يوم عادي وليس يوم إجازة
وذكر التفاصيل ليكون الموضوع ممتع...

طبعا كل عضو نختاره ويتكلم عن نفسه بعد أن ينتهي
يختار هو العضو الذي يليه وهكذا....
الموضوع محتاج تفاعل مستمر ...

وانا اول من سيختار اختار حبيب كلبي احباب الروح يلا احباب

حقيقي فكرة رائعة

انت الاروع خالو ولكن نحن بأنتضار احباب الروح لكي يقص علينا يوما في حياته وعندما ينتهي يختار لنا عظو اخر

السلام عليكم ...

بسم الله ابدي......

اكعد الصبح الساعة بال 7 و نص و اغسل وجهي و ألبس ملابسي و ارووح للدوام اكمل شغلي بالدوام و ارجع بال 12 او بال 1 الظهر اذا يوم عاادي مو رمضان اغير ملابسي و انتظر الغدى ... اتغدى و انام او نوبات اشغل الحاسبة و افتح نت و بعدين انام هااااي فترة الظهرية و اذا رمضان ارجع انام و ما اكعد الا الفطور .... اما فترة العصر اكعد من النوم و اشوف اكل العصرية او اشرب ببسي المهم ابدل و اطلع ارووح على اصدقائي اكعد اشويه يمهم و ارجع المغرب للبيت اغير ملابسي لو نوبات ابقى بيها هههههههههههههه هم افتح الحاسبة و افتح انترنت الى حد الساعة بال 2 او ال 3 بالليل و انام و هكذا يومي يمر .... بس نوبات اكو شغلات تصير عندي و تتغير المواعيد ...و انتو مثل ما تعرفون الوضع ما يساعد مثل قبل الواحد يطب و يطلع لاي مكان و يسافر لغير محافظة ... ارجوا ان كلت هذا بكل حرية و صراحة
و اني راح اختار يا عضو يا عضو اممممممممممممممممم اي اختاريت ( ماكنتوش )

يلا ماكنتوش نحن بأنتضارك

السلام عليكم ورحمة الله وبركاته

اشلوونكم شباب وصبايا اعضاء وزوار منتدانا.. ان شاء الله بخير وصحة وسلامة

طبعا الموضوع كلش حلو وعاشت ايدك ملاكو على هذا الموضوع الجميل

وشكرا احبابووو لان اختاريتني

اني اكعد ساعة بالـ 9 الصبح اروح الى الدوام ( بس شنو اكعد مطفي لان بالليل نايم بالـ 5 او بالـ6 مرات) اغسل وجهي والبس ملابسي واذا رمضان اطلع رأساًً واذا مو رمضان اتريك ( واطگلي جكارة ) واطلع ..

ابقى اهناك بالدوام تقريبا الى 1 او2 الظهر ... ارجع للبيت اذا رمضان الف راسي وانام واذا بالايام الاعتيادية اتغدة وانام ... اكعد العصر ( متحمس بس اريد ادخل للروم اشوف شكو ماكو) بالايام الاعتيادية واذا برمضان افطر واشغل الحاسبة .. اطلع يم جماعتي او مرات همه يجون علية بالسيارة ...

يصير الليل ارجع للبيت اتعشى وهم ( طبعا مشتاق الى اخواني بالروم ) اكعد اشوية والف راسي وانام واذا رمضان اسحر وانام ( وكوله ابو المثل على هاي الرنه كل يوم)

احم احم هسه راح اقتنص فد عضو .

.

جاري التفكير

.
.

.
.
.
.
راح اختار رائد العراقي

والله فكرا حلوووووووووه .يلا رائد ننتضرك .تحياتي للجميع.

يلا رائد نحن بنتظارك شكرا ماك على الرد والله يجعل ايامكم كلها حلوة

فكرة حلوة وجميلة بس احنة كلنة ننتضر رائد العراقي

وجرا العد التنازلي على رائد ولم يأتي نختار الان نبض القلوب يلا نبض القلوب نتظرك

يلا نبض (نحن بنتضارك ) انطلق ......

يمعود نبض القلوب وينك اسرع اسرع وين الهمة

فكرة جميلة ورائعة بس ارجو ان يبلغ العضو الذي تم اختيارة للتحدث عن يوم في حياته عن طريق الايميل او رسالة خاصة عن طريق هذا المنتدى او باخبارة عن طريق تواجدة في احدى الغرف الموجودة في اللايت سي حتى لا يكون فراغ في الموضوع وشكرا لكم ولهذه المساهمة الجميلة

انشاء الله مهند تم ابلاغ العظو نبض القلوب وانشاء الله يحظر ويتكلمنا عن يومو ويا رب يختارك بعدو

شكرا لك اخي ملاك وتقبل تحياتي وشكرا على المتابعة

[color=darkorange]

شلونكم ان شاء الله بخير وكل عام وانتوا بخير والصحه والسلامه وان شاء الله من عوادة

اسف اتاخرت عليكم بالرد المهم راح ابدي بيوم عادي

اكعد الساعه 30/7 الصبح اروح لدوام طبعا متأخر وعركه ويه المدير اضل افتر بالمدرسه

لان ما عندي ولا درس لان معلم رياضه او ننجمع بغرفه الرياضه وتشتغل النقاشات او نلعب

منضدة ارجع الظهر انام اكعد العصر اروح للمحل اترك اخويه بالمحل واروح على اخويه

وصديقي احباب الروح ارجع من يمه بالـ10 او بالـ 11افتح نت وعركه ويه النت ادخل

للمنتدى للرد على المشاركات او تنزيل موضوع جديد انام بالـ 3 او 4 الصبح وهكذا

اختار

.

[color:71e6=darkorange:71e6]ملاك العراق

يالة ملاك تعال اعترف هنا عن يومك شلون تخلصة

هلا هلا هلا ملاك يله ادخل لغرفة الاعدامات اعترف و احجي كلشي يصير بيوم

السلام عليكم ورحمة الله وبركاته

شكرا اخ رائد واخوتي واخواتي في المنتدى شكرا على المتابعة

جعل الله ايامكم حافلة بل افراح وانار دربكم بذكره تعالى

اما بعد ؟

.
.

.

بل نسبة لي يومي العادي فأنا ايامي ليست متساويا اي ؟

يوم بل شغل او سبوع كامل بل شغل بدون انترنت

ويوم بل بيت المهم

...

اصحى الصبح بل 7 اروح اكضي شغلاتي هنا وهنا وطبعا اعاني من البانزين ومشاكل السير والزديحام والمفخخات والعبوات والمواجهات يعني امشي واني متوكل على الله ومخليها على الله وبل موت اكضي شغلة شغلتين ارجع للبيت او مرات ما ارجع اتصل واشوف شيحتاجون اتسوك الهم

ارجع بل 4 انام اصحى قبل الفطور هاي برمضان وغير رمضان اصحى ايضا بل ستة العصر هيج وكت

افطر وارتاح شويا اكعد ويا اهلي واطب للنت اشوف شكو ماكو بل رومات او بل منتديات

واطلع اروح يم اصدقائي اكعد وياهم او مرات هما يجوني

وابقى يمهم ساعة لو ساعتين وارجع اباوع للتلفزيون ايضا ساعة او اقل

وادخل للنت من الساعى 11 الى ال 7 الصبح او مرات لل 4 اطب للمنتديات اشارك واقرا

واحجي وياكم انتو ناسي الطيبين

وبرمضان اتسحر واشربلي جكارة مرات ارجع للنت مرات ما ارجع او انام او اكعد وحدي بل حديقة

اكتب او اقرا اكثر المرات تراودني خواطر واكتبها لانه بل حفض مو تمام اني

وهاذا يومي العادي وطبعا اكعد ويا اهلي بس فترة نومي قليلة يعني مرات ما انام يومين ومرات انام ساعتين او اربعة ساعات هاذا يومي العادي وبكل صراحة..

.

الان راح اختار عضو او مشرف يتكلم عن يوما

.

خالو الـــســقا.. ارجو ان تتكلم لنا عن يومك

...

شكرا لكم جميعا

يالة خالو كاعد ننتظرك اشو تاخرت وينك يمعووووووووووووووووووود

هم صدك هنودي اشو خالو اتأخر علينه وينك خاااااااالو

هسه يجيكم خالو ويحجيلكم

الووووووووووو كيف تسمعني اجب خالووووووو

يلا خالووووووووووووووووو ننتضرك ماعليك امرا .....

روميو الحب كتب:: يلا خالووووووووووووووووو ننتضرك ماعليك امر .....

خالو تأخرت علينا من صدوك وينك بس اكيد الطريق زديحام

بسم الله الرحمن الرحيم

اعتذر عن التأخير ....بس كنت منشغل اعايد الناس والناس تعايدني

اي وين وصلنا ........ هاااااااااا وصل السره ألي

زين

يومي عادي جدا مثل يوم اي مغترب لكن الفرق الوحيد هو شغلي

اكعد الصبح تقريبا ساعة 11 او اكثر

اعتيادي اتريك واشوف شكو ماكو بالبيت واخر اخبار اهلنه بالعراق

اطلع للمكتب افتح وذا عبيدة موجود ادزه قبلي يفتح

انظف وارتب المكان استعدادا لدخول الزبائن

افتح الجهاز الرئيسي وافتح قرأن

على سبلت على رشة معطر على صيحة صيحتين على عبيدة

يجون الزباين

طبعا زبائني اغلبهم واكثرهم عراقيين

طبعا عراقي ويه عراقي وبالغربة وتخيل اول شي شيحجون؟؟؟

شكو ماكو بالعراق على الاهل شلونهم على دخان همومنه ويه دخان الجكارة

فلان كتلو فلتان معتقل ... بيش سعر الورق اليوم

أفتحلي الجهاز رحمه على ابوك خلي نشوف .... صار اغاتي تدلل

وهذا عادة يكون ويه الزبون الاول والثاني لكن من يكثرون طبعا لا

ابدي عادين افتح الروم وافتح المنتدى وابحر بعالم النت سيبر( فضاء الانترنت)

يجوني ناس اصدقاء واغلبهم من العراقيين المغتربين

او ابقى بأنتباه شديد لحمودي ( ابني الصغير) لأن مرات كثيرة اخذه ويايه فيركص الزبائن

ويضلون يضحكون عليه

خلال تواجدي بالمكتب تصادف امور واشياء كثيرة جدا منها المضحك جدا ومنها المبكي

على اعتبار زبائني من العراقيين الي كلهم قصص

ابقى بالمكتب لحد مايجي شريكي السوري ساعة 5 او 6 العصر

ارجع للبيت أصلي واتغدى وارتاح شويه اشوف حتى ولو من جذب دراسة الاولاد على اساس اني متابعهم ... شكو ماكو بالبيت فلان اجه فلان سافر مرات اذا عندي شغله اطلع حسب مكانها طبعا

واذاماكو ابدل واتمشى واخذ افراد العصابة( اولادي) يم ابو عمر العراقي صاحب الاسواق

اشتريلهم على نمنمات للبيت ... اذا كطع بعقلي وصيت على عشه من بره وطبعا ومثل مايعرف احباب وماكنتوش احنه مغرمين بالبروستد... او مرات شاورمة ... او فلافل من فلافل على كيفك

المهم ارجع للبيت لقطة مسلسلة منا على خبر عاجل لو خبر على العراق يجي العشه اتعشى وراها ستكان چاي اصيل ابدي افتح النت من البيت بالاول اشوف الاميل واخر اخبار الاهل واذا احد فاتح من الاهل احجي وياه وطبعا البيت كله يتجمع فوك راسي مظاهرة يريدون يعرفون شنو الاخبار او يوصون بشي..... ارجع ادخل لروم العراق لكل العرب وللروم الاسلامي اشوف الوضع واطمئن على الرعية وافتح المنتدى .... وهم ابحار في عالم النت >>> الى صلاة الفجر

اصلي وانام لينتهي يوم اعتيادي في حياتي .... ودمتم

ياعيني وبعد عيني اختار ..........

.

أختار فراشة

حتى ليكولون تحيز ذكوري

وهم من باب التنويع

يلا فراشه وينج اخاف اطيرين من المنتدى مثل الروم بسرعه جاوبي

يلااااا فرااااااشه وين صرتي يمعوده يعني اله اخبرج و تخسريني يله تجين خلي اضحك على يومياتج شويه ههههههه لان اعرفها كلها

السلام عليكم ورحمة الله وبركاته

احب اشكر ملاك علة هذا الموضوع الجميل

والله فكره حلوه

واشكر خالو لان اختارني

احجيلكم يومي

طبعا هسه حياتي كلهه تغيرت من بدا الدوام اختلفت عن العطله

بأيام الدوام

اكعد الصبح بال6 ونص تقريبا اغسل وابدل واروح للمدرسه طبع اروح مقفله لا ن ما نايمه بالليل

طبعا اروح للمدرسه كله تعب وهلاك وازعاج

ارجع من المدرسه تقريبا بالوحده اكعد عالنت

وبعدين اروح انام واكعد ويه الفطور وساعات اكعد مأذن ورايح لان تعبانه حيل

اكعد اتفطر واكضي الشغل اللي عليه بالبيت وبعيدن اكعد اباوع تلفزيون

ووراهه ابلش ادرس للفجر لان ماشاء الله ابد ما ينطونه تحاظير اكعد للفجر يلا اكمل

وانام الفجر واكعد الصبح وعلى هالرنه كل يوم بالدوام

هسه اجا العيد

اكعد الصبح الساعه بال10 ونص تقريبا

ابدل واكعد ..لو افتح نت لو اكعد واسكت

اليوم ثاني يوم العيد ولحد الان ما طلعت من الباب

اظل كاعده عالنت لان هاي ايامي الاخيره ويه النت لان من راح يبدي الدوام بعد ما اكدر افتح نت

اظل كاعده للصبح يلا انام

وهاي حياتي

اختار

.

روميو الحب

يلا روميو ننتظرك تسولفلنا عن يومك شلون تكضيه بالغربه ؟

تحياتي

يله روميو وينك لتخلينه ننتظر

يمعود يله على بختك

يالة روميو شوفنا ابداعاتك وين تخلص نهارك وشلون تحياتي للجميع

شكرا خالو
وشكرا فراشة
وشكرا الكم كلكم وجعل الله ايامكم كلها سعادة وحب وحافلة بل مواقف والعبر
وننتضر روميو

خواني وخواتي

شكرا اخي ملاك على الموضوع الجميل

وشكرا فراشه لان اختاريتيني

***

بايام المدرسه اكعد الصبح ساعه بالسبعه ونص

وعلما يجيني الباص صايره بثمانيه لان المدرسه قريبه لاتستغربون

ارجع من المدرسه ساعه ثنتين 2 الظهر اجي للكمبيوتر كبل لان

قبل لايجي الوالد وتعرفون بعد .......

اكعد شويه الظهر على المنتدى والمسنجر وبعدين اكوم انام شويه يعني صار المغرب

واصلي المغرب واكعد اقرء وبعدين تشتغل التلفونات لان ماشاء الله جماعتي هواي

شي يسال على الواجبات وشي يكعد يسولف وهكذا

ومن يصير الساعه بال تسعه 9 انزل جوه العماره (اوكف بالركن انه وصاحبي)

وبالعشره اصعد اشوف باب الحاره وهم اكعد على النت شوي وساعه 12 ونص تقريبا

انام

*****

ايام العيد

اول يوم كعدت بالسته ونص دايخ مادري شنو الفلم لان جنت سهران وضارب الدوام

المهم

رحت صليت العيد ورجعت عايدت امي وابوي وخواني الصغار

وبعدين تريكت وطلعت نعيد الاهل واح واحد وتالي صار الظهر جنه معزومين عد ناس

وبعدين على مارجعت للبيت صاير العصر يعني بالخمسه 5 والبيت كلهم نامو بس انه كعدت على المنتدى

ودخلت الروم وجانت اول مره ادخل بيها

شفت اخويه احباب وفراشه وبعد جم واحد مادري والله نسيت خلي يسامحوني المهم

صار المغرب خابرني عمي كال راح نطلع

طلعنه انه والعائله الكريمه

رحنه على البحر وشوينه كباب بس شلووون كباب عراقي سهمكم العافيه

بس

انه شويته (انكربت )

المهم رجعت بالوحده باليل وكبل للفراش كضيتها نوم

اليوم ثاني رحنه سفره

المهم ماريد اطول عليكم

وهاي ايام العيد وايام العاديه

(بس ترى هاي الايام مو بالعراق )

لان انه

مغترب

وان شاء الله نقضي هاي الاوقات بالعراق يم اهلنه

امين

وتحياتي للجميع

وان شاء الله ماطولت عليكم

******

راح اختار

.
.
.
.
.

...
..
.
.
.
.
.
اخوي الكبير مهند

يلا مهند سولف

تحياتي للجميع

.........................................

هلا هلا هلا هلا هنودي رحت بالرجلين انعلست طب لغرفة الاعدامات يله حباب شريكي

هااااااااااااااااااا انصاديت وانته النچر

دتعال اكعد سولفنه يا الله مهند على السريع

بس هااااااا مو تنام مدري تغلس مثل خالك

هههههههههه

اي اي مهند انكبست تعال احجي بسرعة وبصراحة وبكل صراحة ننتضرك هنودي

هاااااااااااااااااااااا مهند وينك اشو مغلس تعال بسرعه اعترف يلا

يله مهند وين صرت يمعود مو صار عليك طلب هوايه
تعااااال بسرعه يله

يله مهند وين صرت يمعود مو صار عليك طلب هوايه
تعااااال بسرعه يله

موضوع: يوم في حياتي الأحد أكتوبر 14, 2007 2:32 am

السلام عليكم

شكرا الى احلى الاخوة والاخوات بهذا المنتدى الجميل صدك انصاديت يا خالو راح اسولفلكم شلون اخلص يومي

اكعد الصبح الساعة 6 اغسل واطلع للشغل اني اشتغل بشركة مال مقاولات وهسة حاليا باربيل شغلي تعرفون شغل المقاولات متعب لان بيه هواية عمال وخلفات واني تقريبا عندي اكثر من 60 عامل وخلفة اني دوري الاشراف عليهم وعلى المهندسين الي يشتغلون ويانا بالشركة باعتباري مكلف من قبل صاحب الشركة وتعرفون مشاكل العمل يعني اموت لحد ما تجي وقت الاستراحة الظهر ومرات اغلس واكعد بالكرفان مالتي وافتح الجات وارد على الايميلات وادخل للروم مالتي احجي وية الشباب

&&& يـــــوم فــــــي حياة عضـــــو أو مشرف &amp Get-10-2007-do7a_com_np9ll77p

&&& يـــــوم فــــــي حياة عضـــــو أو مشرف &amp Get-10-2007-do7a_com_2xailr37

&&& يـــــوم فــــــي حياة عضـــــو أو مشرف &amp Get-10-2007-do7a_com_cbkc10gp

هاي صور قسم من شغلي

ومن ارجع للشركة الي هية نفسها ابات بيها اغسل واتغدة وكبل على الكومبيوتر اشوف شكو ماكو والمغرب ابدل واطلع اتصرمح شوية واصرف نظر بالمولات لو عند احد الاصدقاء في اربيل وما ارجع ا لا تالي الليل وهم اكعد على الكومبيوتر لساعة 3 تقريبا واني من طبعي ما احب النوم ابد يعني انام قليل مو قليل الرفاعي لا قليل يعني شوية

واني من النوع ما احب اصعب يومي الي اعيشة احب تكون ايامي سهلة واتجنب المشاكل واحاول اخلص اليوم بسلام وبضحكة وبشقة وبدون اي تعب

وهذا الويب سايت مال الشركة ادخلو وشوف شغلي بيها

WWW.IRAQCAN.COM

وهسة اختار منوووو

اختار
اختار
اختار

موووووووووووووووونة الحبوبة
يالة تعالي بنتي اعترفي هنا

وشكرا لكم احبائي

بس يومك ما كامل هههههههههههههههههه على كل حال الله يجعل ايامك كلها سعادة وراحة
يلا مونة بنتضارج نحنا

يلا اختي نتضرج تحجينه عن يومج ؟

السلام عليكم ورحمة الله وبركاته

شلونكم اعضاء ومشرفين وزوار احلى منتدى بالكون وايامكم كلها سعاد يارب ابدي اسولفلكم شلون ابدي يومي
اكعد من نومي ساعه ب4 الضهر هاي اذا جانت عطله طبعا اول مااكول رأساه افتح الحاسبه وكبل افتح الياهو واللايت سي واضل اسولف واحجي ويه اصدقائي بعدين طبعا تجي ماما تضل واكفه على راسي اله تكومين هسه تساعديني طبعا تدرون رمضان ويرادله شغل انزل اشوفها كلشي مسويه تكلي سوي اللبن وروحي شفتو بله هاي يوميه هيجي تنزلني من الحاسبه علمو اللبن وراها افطر وكبل للنت واضل للصبح هذا ايامي بالعطل يوميه هيجي
اما بالدوام اكعد ب6 الصبح اكوم شويه اقره وبعدين اروح للدوام ارجع من الدوام ب2 ونص راسا اكل وانام مرات افتح نت ساعه وحده اشوف المنتدى والروم واروح انام اكعد بالاربعه اقره لحد مااضوج بعدين لو اروح اخابر لصديقتي واختي فراشه اسولف وياها ونشكي شويه وبعدين ارجع اقره تصير ب 11 بالليل اروح انام كاضيتها دراسه السادس صعب والله بس كون الله يفوت هالسنه على خير وبعدين الله كريم
**
**
**
**
**
**
اختار نبض القلووووووووب يله نبض ننتظرك

مشكوووووره مونه والله يعينج عالسادس وانشالله تطلعين المعدل العالي وتدخلين للكليه اللي ابالج

يلا نبض وينك تعال سولفلنا عن يومك شلوووون تكضيه

تسلمين فراشه على كلماتج الجميله
نبض يله لتغلس على الموضوع وينك صرت

يعطيك الف عافيه ملاك على الموضوع الحلوو مثل قلبك

يلا يمعود نبض وينك استعجل شويه

الله يجعل ايامك كلها فرح مونة وحافلة بل سعادة خيتو والجميع جعل الله ايامكم فرح وسعادة
نداوي انتي احلى اكيد
ونبض القلوب وين صرت يلا ننتضرك على احر من الجمر

يالة نبض مو قلوبنا تنبض لجيتك يا اخي العزيز مر بينا وفرحنا لو تريد تغلس الكل ينتظرك