المالكي ماخذ جلال الطالباني ويفتر بيه على مكاتب الموبابيلات ليش؟ حتى يعربه
فد يوم سوداني يريد يروح للعراق كالوله تره هناك اكلين لحوم بشر كال ما اصدك
الا اذا اشوف بعيني راح للعراق وصل يم بيت واحد.. صاح ام فلان شمسوية اكل كالت شيخ محشي.. كال يمة مشة مسافة وكف يم بيت سمع واحد ...يصيح جيب زنود الست ....وجها صار اصفر مشة مسافة وكف يم بيت سمع واحد يصيح ام فلان شمسوية عشى ...كالت اسود... كال اطفر وصلني السرة
عراقي رجع للعراق بعد الغربه فاول منزل من الطائره خله الجنطه بالكاع ودنك ايبوس تراب الوطن رفع راسه ملكه الجنطه كال رجعنه لطيحان الحظ
رجال راد يموت فجمع ولده وجابلهم رمح وانطاه لواحد من ولده وكله اكسره فالولد مقصر وكسره...وانطاه رمحين والعينتين هم مقصر وكسرهم... وانطاه ثلاثة رماح وهم كسرهم.. ف كللهم الاب : ولدي مدام وياكم هذا الثور فمينخاف عليكم
واحد اجه لعمان اشتره باكيت جكاير شاف راسمين على الباكيت صوره مال رئه......رجع لأبو المحل وكاله كاكه اني ربحت معلاك
محشش كاعد بالطابق السابع فد يوم نزل للشارع نسة نظارته والجفية بالشقة, اتعاجز يصعد عليها , خابر مرته كللها شمرليلي النظارات والجفية. فهيه شمرت النظارات اول شي جان توكع وتنكسر كلهه طيح الله حظج كسرتيها .. دعوفي الجفية اني حصعد اخذها
محشش اكل قطعة ماجي اتخربط راح للطبيب كله :شماكل ؟كلة جكليت ام الديج
اكو فد يوم طالب بالمدرسه كلما المعلمة تشوفه تكوله اثول ..الولد ضاج راح كال لابو بابا المعلمه لكما تشوفني تكولي اثول ..الاب راح للمعلمة كال الها ليش تكولين لابني اثول كالت اله هسه اشوفك ابنك اثول لو لا جان المعلمة تصيح الطالب تكله روح شوفني الادارة اني موجوده لو لا ..الطالب راح دور او رجع كال ستا انتي ماموجوده بالادارة كال زين روح دورني بالساحه . راح او رجع هم ما لكه شئ .المعلمة كالت ها عرفت ليش اكله اثول..الاب جان يكول ست احتمال انتي اليوم ماخذه اجازة ..
واحد كله اخوه جيبلي نتيجة الامتحان بس اذا ابوية كاعد وطلعت اني بدرس كلي محمد يسلم عليك واذا بدرسين كلي محمدين يسلمون عليك اجه للبيت جايب النتيجة كاله ها كالة امة محمد كلها تسلم عليك
بليس طلع من العراق كالوله ليش كال اني علمتهم على النهب و الحواسم و البوك و تاليها كتبوا على بيوتهم هذا من فضل ربي
مدرس قال للطلاب رسمولي حمار.. قلوله استاذ اطلع برا علمود لانغش
اثنين محششين ديمشون واحد كال: اكولك صدك عمرو ذياب اخو ايهاب توفيق؟ جاوب الثاني : لا يمكن تشابه بالاسماء
يكولك محشش يشتغل بمحل مال كهربائيات جتي عليه وحده بنت كالتله عموو عدنا جرس مال بيتنا عاطل هوا كاللها روحي واني اجي اصلحه وبعدين ثاني يوم جتي عليه البنت كالتله يابه انته ليش مجيت وسويت الجرس كاللها وربي اجيت ودكيت الجرس ومحد طلع عليا واني رجعت
واحد طلعت روحه سد وراها الباب
واحد راح يشتري ساعة شافه غالية اشتره خمس دقايق
واحد حصرته بطنه غافلها و انهزم
واحد بخيل عنده 3 تفاحات كسر اول وحده بيها دودة ذبها.............. كسر الثانية بيها دودة ذبها .................
طفه الضوه واكل الثالثة
مكادي اثنين بغداد واحد كلها للثاني خلي نروح للموصل نكدي والثاني كلها يمعود ذوله كلهم بخلاء مينطون
كلها خلي نروح ونجرب راحو........................
بأطراف مدينة الموصل دكو الباب على بيت طلعت بنيه جاهلة كلولها عطشانين نريد مي جابتلهم طاسة جبيرة بيها لبن
صاحبه كله ها شكتلك طلبنه مي جابونه لبن بنفس الوقت ام البنيه صاحت منو بالباب بتها كلتلها ماما ذوله مكادي ثنين
رادو مي وانطيتهم اللبن الي وكعت بي الفارة ( وجان واحد منهم ديشرب بالبن ) فشمرها حيل لطاسة اللبن الام كلتله
من السطح على كيفك كسرت القعادة مال الجاهل.
واحد خطف عجوزه وداها عند حارس المدرسة قال له ....... ممكن تصرف لي هذه ببنات
واحد ضربته الشمس، صاح جماعته
محشش مسكوه الشرطة و فتحوا باب السيارة اللي ورا و قالوله اركب قال : لا أني اريد أسوق
بوش تعجب من العراقيين كيف تنتقل الأخبار عندهم بأسرع من البرق فسأل أحد جنوده فقال له : العراقيين عندهم شفرة اسمها " شكو ماكو " عن طريقها يقدرون يتناقلون الأخبار بسرعة عجيبة فقرر بوش أن يزور العراق و يتنكر و لبس جلابية و عقال و عباية و راح وقف عند محطة توزيع الغاز فسأل أحد العراقيين : شكو ماكـو؟ قاله العراقي : و الله مــا أدري بس يقولون بوش في العراق
الخميس ديسمبر 27, 2007 3:38 pm
