تغيير العلم العراقي

مثل ماالكل يعرف انه العلم ايمثل هوية الدولة الرمزية , يعني احياناً ايمثل ابهذا الرمز طبيعة هذا البلد من ناحية دينية مثل كثير من البلدان الاسلامية مثلاً , واحيانا ايمثل الناحية الجغرافية او الطبيعية مثل علم لبنان او كندا ,يعني العلم ايمثل فد شيء متميز بيه ذلك البلد ويدل على هويته .
وبالفترة الاخيرة رجعت مسألة تغيير العلم العراقي للساحة مثل ما ايكولون , ناس اتكول هذا علم (البعث ) ولازم انغيره , وناس اتكول هذا علم جهة معينة ولازم ما يتغير . وصايرة الامور ابين جر وعر , وكلاٌ يُغني على ليلاه .
السؤال هو هل احنه العراقيين ماخذين الامور بحساسية اكثر من اللازم , لان اغلب الدول الي اتمر ابمراحل تتغير بيها الامور بشكل كامل , اتغير علمها ابكل سهولة .
يا ترى نكدر انغير العلم العراقي لو ما نكدر ؟ أو ليش ؟
نطلب من الاصدقاء المشاركة بهذا الموضوع وياريت تغنونا بارائكم الحلوة حول المسألة , يعني ممكن اتكون مثل الاستطلاع البسيط انسويه ابهذا المنتدى الجميل .
وتحية لكل العراقيين بكل مكان

اول شي شكرا الج مونتنا على هذا الموضوع الحلو وثاني شي هسة مو وكت تغيير العلم خلي هسة بس يرجعون الامان وينضفون البلد من الارهاب وبعدين اخر شي خلي يفكرون بالعلم وبعدين علمنا حلو وايخبل لويش يغيروه مادري !!

تحياتي,,عشوووقة