تعال يا اغلى من سكن الروح

تعال يا أغلا من سكن داخل الـروح
يا أجمل تعابيـر القصيـد وحروفـه

يامشيـدٍ فالقلـب ابـراج وصـروح
يازهـر عمـري بالحيـاة وريوفـه

تعال وانعش خاطرٍ منـك مجـروح
مـن غيبتـك الله عليـم بظـروفـه

شوف الفؤاد اللي من البعد مذبـوح
وشوف العذاب أشهر عليّه سيوفه!!

ارأف بقلبـي ياحبيبـي ولا تـروح
دنيـاي بعـدك كلبوهـا حسـوفـه

احبس من اللوعات واصيغها بـوح
واصبر على نـارٍ حشايـه تلوفـه!!

واخفي من الاشواق اهـات وانـوح
واحـن للماضـي وذكـرى طيوفـه

حب وغلا من دون زيفٍ ومصلـوح
فيه الوفاء والصدق ابـرز وصوفـه

كله عشان اللي له القلـب مفتـوح
اللي سلـب فكـري بليـا مروفـه!!

اسهر ولاشفته غدا البـال مشـروح
وانسى همومي حين ماالمس كفوفه!!

بهجة حياتي لو خذا القلب مسمـوح
هو الوحيد اللي سكن وسـط جوفـه

قولو له ان الحال من بعد مايروح؟؟
مثل الذي بالضبـط فاقـد لشوفـه!!

واخفي من الاشواق اهـات وانـوح
واحـن للماضـي وذكـرى طيوفـه

عاشت ايدج حبي فروشة ذووووق وربي

تحياتي,,عشوووقة