| نكدر نسوي هيج !!!!!!!! | |
|
+3*MooN LIGHT* الــســقــا *العراق حبيبي* 7 مشترك |
كاتب الموضوع | رسالة |
---|
*العراق حبيبي* عضو نشط
عدد الرسائل : 52 تاريخ التسجيل : 26/08/2007
| موضوع: نكدر نسوي هيج !!!!!!!! الأحد سبتمبر 09, 2007 11:23 am | |
| قبل ان ينهي سيد خلف محاضرته التي خص بها عشيرتنا هذا اليوم، رمى بعمامته السوداء على الارض وبانت صلعته الحمراء المتعرقة وهو يصرخ بنا :
ولكم شبيكم ماعدكم غيرة على مذهبكم، شتكلون لعلي بني بي طالب ؟، تكولولة انتخبنا الشيوعين لو العلمانيين الكفار، شتحجون وية ام البنين ؟ ، تكلولها احنا خذلنا الحسين بكربلا، احنا تركنا العباس تتكطع جفوفه ، احنا كطعنا المي عن عبد الله الرضيع .
ولكم حطوا براسكم شوية عقل ، لتبقون سفهاء ، لتبقون معدان ،لتبقون همج ، قائمة الائتلاف الله ورسولة مباركيها ، (باعلى صوته ) هاي قائمة شهيد كربلاء ، قائمة الطف ، هاي قائمة زينب وام البنين والسجاد ، قائمة ابو الجوادين ،(بصراخ) والله راح تظلون بيوم الحساب تفرون بذانكم ، اول سؤوال راح يكولك شنتخبت ؟ ، شراح اتجاوب ؟اتكلهم انتخبت العلمانيين ؟ طيح الله حظكم اذا صدك ، سود الله وجوهكم يامعدان اذا صدك .اليوم انتحر كدامكم هنا ،اليوم اموت هنا ، اكتل روحي اذا ما تحلفون براس العباس تنتخبون قائمة الائتلاف ، يالله احلف حجي رشك انت اول واحد ، احلف بالعباس وخل يحلفون وراك واحد واحد.
تقدم حجي رشك خطوتين وهو تحت تأثير الصدمة والرعب والخوف من صراخ سيد خلف ونبرته الحادة ,ارتجفت يداه ونشف ريقه وهمَّ بالقول : عمي احلف بالعباس ....
لاتحلف ، (جاءه الصوت من فالح بن عاتي) ..لاتحلف ، العباس شنو دخله بالانتخابات ؟ (التفت الى سيد خلف الذي انشغل باعادة عمامته الى صلعته ).اني احلف (اضاف فالح) احلف بالعباس ابو فاضل ، احلف بالعباس ابو راس الحار سيد خلف وجماعته اكبر جذابين ، وين جانوا عنا هسه جايين ؟ وين جانوا من مرت علينا سنين شفنا بيها الظيم ؟، وين جانوا من اطفالنا ماتت بالجفاف؟ وين جانوا من نسوانا كامت تجدي بالشوارع ؟، وين جانوا من بعنا حتى شبابيج بيوتنا وطبخنا حتى الزبالة ؟، وين جانوا من جانت لكمة الخبز حسرة علينا ؟ شو محد اجه وكال انتوا اهلنا وتجمعنا وحدة المذهب ،عاشوا كل حياتهم متنعمين ووجوهم حمرة ونسوانهم يفترن من دولة لدولة ، واحنا خيرتنا كامت تبيع زوري ، وخيرنا كام يشتغل بالبالات ، ليش ماكالوا اهلنا ماتو من الجوع ؟،اطفالنا ماتت بين ايدنا ،وماعدنا فلوس نعالجهم، بناتنا نعال ماعدهن يرحن للسوك ، شو محد سأل علينا ؟ ، ومحد خاف من يوم الحساب ؟، ومحد منهم استحى من الحسين والعباس؟.اطفالهم اغلى من اطفالنا ؟ لو نسوانهم احسن من نسوانا ؟ لو شبابهم الفاهين احسن من ولدنا ؟
لاتحلف حجي رشك ، اني احلف ابدالك ، ذولة جهنم ارحم منهم ، جم مدرسة ومستشفى بنوا بفلوس الخمس بايران ، جم قصر بنوا بلندن ؟ جم سيارة جانت تمشي وراهم ؟ واحنا بالتاتات نخاف نصعد خاف ماعدنا كروة ، احنا اهدومنا تكطعت علينا ، شفنا الضيم والقهر ، انسجنا وانكتلنا ومتنا والامراض لعبت بينا جولة ، وهمه كل واحد منهم وجهه هاعرضه ومتفح وعلباته تكول تاير ،
لاتحلف حجي رشك ، الانتخابات موالنه الانتخابات الهم ، حتى يكعدون بالقصور، وينهبون ويفرهدون براحتهم، موانتخبناهم ذيج المرة ، شقدمولنا ؟ شو زاد الضيم والقهر وطاسة مي نظيف ماكو ببيوتنا..
اطلع برا حجي رشك وشوف سيارة سيد خلف ، وشوف لاندكروزات الحماية ،شوف اتباع ال البيت اسال سيد خلف كله وين بيتك مولانا ؟ منيلك بيتين بالجادرية مولانا؟ منيلك عشرين سيارة مولانا؟ منيلك بيت بلندن مولانا ؟ وين بناتك مولانا ؟ ليش بايران مولانا ؟ ليش مايجن يعيشن ضيم بناتنا ؟ شنو بناتك نازلة بيهن اية مولانا؟
اسمعوا اخوتي ، الله ما يشتغل بمفوضية الانتخابات حتى يحاسب على التصويت ، والحسين نصير المظلومين مو نصير الحرامية ،والعباس يكره اهل القصور والسيارات المسروقة من دم الناس ،وام البنين تحرس اولادنا ، لان اولادهم يحرسها فيلق بدر، لا ..لا سيد خلف احنا ما نحلف ، روح شوف غيرنا ، بعد محد يضحك علينا ، اليوم عرفتونا وصرنا احبابكم ؟ عشرين سنة ، دينار واحد ما وصلنا منكم ، لو واصلنا دينار واحد ، جان صدك كلنا عدكم شرف ، ضحكتوا علينا هواي ، كافي ،، لهنا وكافي ،بعد احنا مو لعبة بيدكم ..
ولدنا قندرة ماعدهم وعمارالحكيم اشترى النجف كلها . ولدنا ماشايفين الصويرة اولدكم من سويسرا لامريكا ، يقبل الحسين والعباس بهاي؟ ، الحسين والعباس ولد رسول الله من حاصرتهم السيوف ماشردوا لايران ، ومن ضاقت بيهم الدنيا ما عاشوا بلندن ، الحسين والعباس مامدوا ايدهم على بيت المال ، وانتوا ولدكم اخذوا البيت والمال .. اسمع سيد خلف هاي قوانة المقابر الجماعية بعد هم ماتمشي علينه ، المقابر الجماعية مقابر ولدنا مو ولدكم ،و من ولدنا اندفنوا جوا الكاع ولدكم جانوا يصيفون بفرنسا ..
اطلع برا سيد خلف ، (بصوت اعلى)اطلع برا ، بعد ما ينضحك علينا ، احنا نعرف دربنا ، والمرجعية هم نفظت ايدها منكم ، والائمة ائمتنا نصراء الفقراء والمساكين ، نسوانا الطاحت من الجسر مو نسوانكم ، واطفالنا الماتت على الجسر مو اطفالكم ، اطلع برا وصلت حدها وياكم ،اطلع ,, اطلع .. اطلع ..
منقول بتصرف
لا يلدغ مؤمن من جحر مرتين
دمتم ودام العراق
اخوكم *العراق حبيبي* | |
|
| |
الــســقــا مدير عام منتديات العراق لكل العرب
عدد الرسائل : 143 العمل/الترفيه : صاحب غرفة ومنتديات العراق لكل العرب المزاج : يحب الجميع ويتمنى من الجميع ان يحبه تاريخ التسجيل : 25/08/2007
| موضوع: رد: نكدر نسوي هيج !!!!!!!! الثلاثاء سبتمبر 11, 2007 5:33 pm | |
| ياريت والله كلنه نكدر نسوي هيج ونصيح بعلو صوتنا اطلعو برا اطلعو برا كلام جرئ ابو شهيبة لكن جميل عاشت ايد الناقل والمنقول منه | |
|
| |
*العراق حبيبي* عضو نشط
عدد الرسائل : 52 تاريخ التسجيل : 26/08/2007
| موضوع: رد: نكدر نسوي هيج !!!!!!!! الثلاثاء سبتمبر 11, 2007 6:17 pm | |
| وايدك خالو اتمنى ومن كل قلبي يصير هيج ونفهم الي ديصير ونشوفة من غير رتوش ولا كلام ناعم وكلاوات ونشوف المجرمين الي بوجوه ملائكة على حقيقتهم ونبتعد عن كل ما هو (نصرة المذاهب) وندور نصرة العراق واهلة . دمتم ودام العراق اخوكم *العراق حبيبي* | |
|
| |
*MooN LIGHT* عضو متميز
عدد الرسائل : 173 الموقع : ^_^ من الهوووول ^_^ تاريخ التسجيل : 26/08/2007
| موضوع: رد: نكدر نسوي هيج !!!!!!!! الأربعاء سبتمبر 12, 2007 3:27 am | |
| الكل تتمنى هيج تسوي و نصرخ بأعلى صوتنه | |
|
| |
المحبوبة عضو نشط
عدد الرسائل : 30 العمر : 38 تاريخ التسجيل : 11/09/2007
| موضوع: رد: نكدر نسوي هيج !!!!!!!! الأربعاء سبتمبر 12, 2007 11:52 pm | |
| المرجعية مو مالتك
يااااااااااااا شباب هذا مو حل مو اذا انت صحيح يعني الناس كلها غلط والمرجعية مو بس الكم والبلد مو بس للإئتلاف واكو هواي ناس غيورة على وطنها والشيوعيين والعلمانيين الي انت ده تغلط عليهم وبإسلوب مو حظاري ولا يحمل اي وعي. انت لازم تحترم الرأي الآخر مثل ما هو يحترمك ، اني علمانية وعمري ما سمعت احد من الي اعرفهم من العلمانيين يشكك بنزاهة واحد من الإسلاميين الشيعة ام السنة بالعكس يحجون عنكم بإحترام ولا تنسة احنة كلنه واحد بس بطرحك هذا انت طائفي وحاول ان تشيل هذه الصفة عن نفسك ترة بعدين ما يصح الاّ الصحيح واي انسان يتحيز ويكون طائفي راح يندم مثل ما الناس تحترمنة احنة نحترمهم واسفة اخي العزيز اذا جان نقدي لاذع الك | |
|
| |
روميو الحب عضو متميز
عدد الرسائل : 635 العمر : 32 تاريخ التسجيل : 04/09/2007
| موضوع: رد: نكدر نسوي هيج !!!!!!!! الخميس سبتمبر 13, 2007 6:44 am | |
| خوش موضوع بس ياريت اتفكرون بالعراق اذا نبقه هيج راح انضل نرجع لي وره يا عراقيين العراق ثم العراق ثم العراق هاي اذا نريد يصير بلدنه بخير.مع احترامي وتقديري لاراء الاخرين.روميو الحب | |
|
| |
*العراق حبيبي* عضو نشط
عدد الرسائل : 52 تاريخ التسجيل : 26/08/2007
| موضوع: رد: نكدر نسوي هيج !!!!!!!! الخميس سبتمبر 13, 2007 6:57 am | |
| بسم الله الرحمن الرحيم .... الى الاخت الي موصلتلهة فكرة الموضوع انا لم اوجه اي اتهام الى العلمانيين او الى غيرهم لو قرأتي الموضوع باهتمام كان عرفتي الموضوع اصلا يتكلم عن هاي النقطة الا وهي مو شرط الي من مذهبي او ديني هو الي راح ينفعني فانصحك قبل ان تكتبي اي شي او تتهمي اي شخص راجعي الموضوع اولا . دمتم ودام العراق اخوكم *العراق حبيبي* | |
|
| |
المحبوبة عضو نشط
عدد الرسائل : 30 العمر : 38 تاريخ التسجيل : 11/09/2007
| موضوع: رد: نكدر نسوي هيج !!!!!!!! السبت سبتمبر 15, 2007 3:27 am | |
| اشكرك على اسلوبك الجميل بتنبيهي وانا اسفة جداً جداً لكوني لم اقرأ بشكل جيد ولم تصلني الفكرة وانا اعترف بأني على خطا وانت على صواب وارجوا ان يكون هذا الاعتذار كافي ومثل ما يكولون الاعتراف بالخطأ فضيلة اختكم المحبوبة | |
|
| |
الكاسح الحنين عضو نشط
عدد الرسائل : 26 العمر : 36 تاريخ التسجيل : 07/09/2007
| موضوع: رد: نكدر نسوي هيج !!!!!!!! الثلاثاء سبتمبر 18, 2007 11:22 am | |
| نكدر انسوي هيج اذا العراق كله يتكاتف | |
|
| |
MuhanaD المـراقــب الـعـام لمـنـتـديـات الـعـراق لـكـل العـرب
عدد الرسائل : 835 العمر : 44 العمل/الترفيه : اعمل في مجموعة (عراق كان) للمقاولات كمدير تجاري للمجموعة المزاج : برتقماوي تاريخ التسجيل : 07/10/2007
| موضوع: رد: نكدر نسوي هيج !!!!!!!! الخميس أكتوبر 11, 2007 6:21 am | |
| شكرا اخ احمد والله محد نفع العرق لا الائتلاف ولا التوافق ولا الحوار ولا اي شخص يا شباب ترى العراق محروس بالرحمن ولله بس ربكم حامينا واهل البيت لان هذولة مزقز وحدة الشعب العراقي واني اشكر شلش العراقي لموضوعة وهو صاحب هاي الكتابة الجميلة وشكرا للعراق حبيبي لنقلة لهذا الموضوع تبلو مروري | |
|
| |
| نكدر نسوي هيج !!!!!!!! | |
|